បរទេស៖ អតីតមេដឹកនាំក្រុមអាវក្រហម Natthwut Saikua បានអះអាងនៅថ្ងៃនេះថា ការរំលាយសភា ដើម្បីត្រួសត្រាយផ្លូវសម្រាប់ការបោះឆ្នោតសកល នឹងមិនដោះស្រាយជម្លោះនយោបាយរបស់ប្រទេសថៃនោះទេ។
យោងតាមសារព័ត៌មាន PBS របស់ថៃ ចេញផ្សាយនៅថ្ងៃទី២៩ ខែមិថុនានេះ បានឲ្យដឹងថា លោកបានលើកឡើងអំពីឧប្បត្តិហេតុនយោបាយប្រវត្តិសាស្ត្រចំនួនពីរ៖
- នៅពេលដែលអតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា បានរំលាយសភានៅថ្ងៃទី24 ខែកុម្ភៈ ឆ្នាំ2006 បន្ទាប់មក សម្ព័ន្ធប្រជាជនដើម្បីលទ្ធិប្រជាធិបតេយ្យ (PAD) ដែលលែងដំណើរការបានធ្វើការតវ៉ាតាមផ្លូវអូសបន្លាយ រួមទាំងការបិទព្រលានយន្តហោះក្នុងទីក្រុងបាងកកអស់រយៈពេលប្រហែលប្រាំពីរខែ ដែលឈានដល់រដ្ឋប្រហារនៅថ្ងៃ ទី 19 ខែកញ្ញា ឆ្នាំ 2006 ដែលបានផ្តួលរំលំរដ្ឋាភិបាលថាក់ស៊ីន។
- ទីពីរគឺក្នុងអំឡុងការគ្រប់គ្រងរបស់លោកស្រី យីងឡាក់ ស៊ីណាវ៉ាត្រា។ លោកស្រីបានរលាយសភានៅឆ្នាំ2013 បន្ទាប់ពីការតវ៉ាដ៏យូរដែលដឹកនាំដោយគណៈកម្មាធិការកំណែទម្រង់ប្រជាធិបតេយ្យប្រជាជន។ ក្រុមអ្នកតវ៉ាបានអំពាវនាវឱ្យធ្វើពហិការមិនចូលរួមការបោះឆ្នោតជាសាធារណៈដោយជំរុញឱ្យយោធាឈានជើងចូលទៅក្នុងការផ្ដួលរំលំរដ្ឋបាលទាហ៊ាន។
លោក Nattawut ដែលបច្ចុប្បន្នជាទីប្រឹក្សារបស់លោកនាយករដ្ឋមន្ត្រី Paetongtarn បាននិយាយថា លោកគោរពសិទ្ធិរបស់បាតុករក្នុងការអំពាវនាវឱ្យលោកស្រីលាលែងពីតំណែង។
យ៉ាងណាក៏ដោយ លោកបញ្ជាក់ថា នាយករដ្ឋមន្ត្រីមានសិទ្ធិធ្វើការសម្រេចចិត្តដោយខ្លួនឯង ដោយអះអាងថា នៅមានមនុស្សជាច្រើនដែលគាំទ្រលោកស្រី។
អតីតមេដឹកនាំ “អាវក្រហម” រូបនេះបាននិយាយនៅក្នុងហ្វេសប៊ុករបស់គាត់ថា ហ្វូងមនុស្សដ៏ធំនៅឯការប្រមូលផ្តុំកាលពីថ្ងៃសៅរ៍ នៅវិមានជ័យជំនះគឺមិនហួសពីការរំពឹងទុករបស់គាត់ទេ ដោយកត់សម្គាល់ថាគាត់បានសង្កេតមើលសកម្មភាពបណ្តាញនិងចលនាមុនពេលបាតុកម្ម៕
ប្រែសម្រួលៈ ណៃ តុលា
