បរទេស៖យោងតាមការចេញផ្សាយរបស់ RT ប្រធានាធិបតីអាមេរិក លោក Donald Trump បាននិយាយថា លោកអាចរីករាយនឹងគំនិត នៃការនិរទេសលោក Elon Musk ហើយក៏ និងអាចពិចារណា ក្នុងការពិនិត្យទៅលើកុងត្រា របស់មហាសេដ្ឋីរូបនេះ នៅឯនាយកដ្ឋានប្រសិទ្ធភាព រដ្ឋាភិបាល (DOGE) ផងដែរ។
ការអត្ថាធិប្បាយ របស់លោកប្រធានាធិបតីបានកើតឡើង ចំពេលមានការធ្លាក់ចុះជាសាធារណៈរវាងលោកនិងលោក Musk ដែលរហូតមកដល់ពេលថ្មីៗនេះជាអ្នកគាំទ្រ ដ៏រឹងមាំបំផុតរបស់លោក Trump។
កាលពីខែមុន លោក Musk បានចុះចេញពីតំណែង ជាប្រធានក្រុមហ៊ុន DOGE បន្ទាប់ពីបានរិះគន់យ៉ាងខ្លាំង លើវិក័យប័ត្រថវិការបស់រដ្ឋាភិបាល របស់លោក Trump ដែលរួមមានការដំឡើង ពិដានបំណុលចំនួន 5ទ្រីលានដុល្លារ។
ថ្លែងទៅកាន់អ្នកសារព័ត៌មានកាលពីថ្ងៃអង្គារ លោក Trump ត្រូវបានគេសួរថាតើគាត់នឹងពិនិត្យមើលការនិរទេស Elon Musk ដែលជាពលរដ្ឋអាមេរិក ដែលមានសញ្ជាតិ ទៅកាន់ប្រទេសកំណើតនៅអាហ្វ្រិកខាងត្បូង ដែលប្រធានាធិបតី បានឆ្លើយតបថា ខ្ញុំមិនដឹងទេ ប៉ុន្តែយើងនឹងពិនិត្យមើល។
មុននេះបន្តិចផងដែរ លោក Trump ក៏បានបង្ហោះនៅលើវេទិកាសង្គម Truth Social របស់លោកដែលលោក Muskបានដឹងជាយូរមកហើយមុនពេល ដែលលោកគាំទ្រ ខ្ញុំជាប្រធានាធិបតីយ៉ាងខ្លាំង ដែលថាខ្ញុំបានប្រឆាំងនឹងរថយន្ត EV យ៉ាងខ្លាំង។ លោកប្រធានាធិបតីបាននិយាយថា រថយន្តអគ្គិសនីគឺល្អ ប៉ុន្តែបានជំទាស់នឹងការ ឱ្យមនុស្សគ្រប់គ្នា ត្រូវតែបង្ខំចិត្តក្នងការប្រើ ប្រាស់វាឲ្យបានគ្រប់គ្នា៕
ប្រែសម្រួល៖ស៊ុនលី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
