បរទេស៖យោងតាមការ ចេញផ្សាយរបស់ RT ប្រធានាធិបតីអាមេរិក តាមសេចក្តីរាយការណ៍ បានសន្យាថានឹងបញ្ជូនមីស៊ីល ប្រភេទស្ទាក់ចាប់ Patriot មួយចំនួនទៅឲ្យអ៊ុយក្រែន ទោះបីជាមន្ទីរបញ្ចកោណ ទើបតែបានបញ្ឈប់ការដឹកជញ្ជូន ជំនួយយោធាទៅលើ ប្រភេទអាវុធខ្លះហើយនោះ។
ប្រភពដដែលបានរាយការណ៍ថា ប្រធានាធិបតីអាមេរិកលោក Donald Trump បានសន្យាថានឹងបញ្ជូនមីស៊ីល Patriot បន្ថែមទៀតទៅកាន់ប្រទេសអ៊ុយក្រែន ប៉ុន្តែចំនួនជាក់ស្តែងនឹង មានកម្រិតមួយប៉ុណ្ណោះ។
ការសម្រេចចិត្តនេះធ្វើឡើងនៅបន្ទាប់ពីមានការ ការហៅទូរស័ព្ទនាពេលថ្មីៗនេះរវាង Trump និងមេដឹកនាំអ៊ុយក្រែនលោក Vladimir Zelensky ។
កាលពីសប្តាហ៍មុន មន្ទីរបញ្ចកោណបានប្រកាសផ្អាកការ ដឹកជញ្ជូនអាវុធមួយចំនួន ទៅកាន់ប្រទេសអ៊ុយក្រែន រួមទាំងគ្រាប់បែកដ៏ជាក់លាក់ និងឧបករណ៍ស្ទាក់ចាប់ ប្រព័ន្ធការពារដែនអាកាស ដោយលើកឡើងពីការព្រួយ បារម្ភលើការបំផ្លាញឃ្លាំងស្តុករបស់អាមេរិកផងដែរ។
យ៉ាងណាក៏ដោយ កាលពីថ្ងៃចន្ទ លោក Trump បានបញ្ជាក់ថា ទីក្រុងវ៉ាស៊ីនតោននឹងបន្តបញ្ជូន អាវុធការពារ ទៅកាន់ទីក្រុងគៀវហើយអ្នកនាំ ពាក្យមន្ទីរបញ្ចកោណលោក Sean Parnell ក៏បានបញ្ជាក់ផងដែរថា តាមការណែនាំរបស់ ប្រធានាធិបតី ក្រសួងការពារជាតិនឹង បញ្ជូនអាវុធការពារបន្ថែមទៅអ៊ុយក្រែន៕
ប្រែសម្រួល៖ស៊ុនលី
