ប៉េកាំង ៖ ប្រទេសចិនដីគោក បានថ្កោលទោសអាជ្ញាធរ របស់គណបក្សវឌ្ឍនភាពប្រជាធិបតេយ្យ (DPP) របស់កោះតៃវ៉ាន់ ចំពោះការបង្ខូចកេរ្តិ៍ឈ្មោះ នៃជ័យជម្នះរបស់ចិន លើការឈ្លានពានរបស់ជប៉ុន ក្នុងទសវត្សរ៍ឆ្នាំ ១៩៤០ ដោយបញ្ជាក់ថា ទង្វើនេះ “លាតត្រដាងទាំងស្រុង នូវធម្មជាតិដ៏គួរឱ្យអាម៉ាស់ របស់ពួកគេ។
លោក Chen Binhua អ្នកនាំពាក្យការិយាល័យកិច្ចការតៃវ៉ាន់ នៃក្រុមប្រឹក្សារដ្ឋបានធ្វើការកត់សម្គាល់ ក្នុងការឆ្លើយតបទៅនឹងសំណួរ របស់ប្រព័ន្ធផ្សព្វផ្សាយបន្ទាប់ពីអាជ្ញាធរតៃវ៉ាន់ បានចាត់ទុកការប្រារព្ធពិធីនេះថាជា “យុទ្ធសាស្ត្ររណសិរ្សរួបរួម” ឬ “សង្រ្គាមការយល់ដឹង” ហើយបានគំរាមកំហែងកាត់ បន្ថយអត្ថប្រយោជន៍ចូលនិវត្តន៍ សម្រាប់អ្នកដែលចូលរួម។
ឆ្នាំនេះគឺជាខួបលើកទី ៨០ នៃជ័យជំនះ ក្នុងសង្គ្រាមប្រជាជនចិន ប្រឆាំងនឹងការឈ្លានពានរបស់ជប៉ុន និងសង្រ្គាមប្រឆាំងហ្វាស៊ីសពិភពលោក។ ការជួបជុំមួយរួមទាំងក្បួនដង្ហែយោធានឹងធ្វើឡើងនៅព្រឹកថ្ងៃទី៣ ខែកញ្ញា នៅទីលានធានអានមេន ក្នុងទីក្រុងប៉េកាំង។ អ្នកនាំពាក្យរូបនេះបានសង្កត់ធ្ងន់ថា “សង្រ្គាមគឺជាការតស៊ូ ដ៏ត្រឹមត្រូវមួយ ដែលកូនប្រុសស្រីទាំងអស់ នៃប្រជាជាតិចិន បានរួបរួមគ្នាជាតែមួយ ដើម្បីទប់ទល់នឹងការឈ្លានពាន របស់ពួកសកម្មប្រយុទ្ធជប៉ុន”។
លោក Chen បានលើកឡើងថា “យើងសូមអញ្ជើញអតីតយុទ្ធជនបក្ស Kuomintang របស់ចិន ឱ្យចូលរួមក្នុងសកម្មភាពរំលឹកទាំងនេះ ដោយមិនគោរព ចំពោះការពិតជាប្រវត្តិសាស្ត្រ និងក្នុងការទទួលស្គាល់ការរួមចំណែក របស់ពួកគេក្នុងការការពារប្រទេស” ។ លោក Chen បានកត់សម្គាល់ថាអាជ្ញាធរ DPP មិនត្រឹមតែបដិសេធមិនធ្វើពិធីរំលឹកបែបនេះដោយខ្លួនឯងប៉ុណ្ណោះទេ ប៉ុន្តែផ្ទុយទៅវិញបានគំរាមកំហែង និងបំភិតបំភ័យដល់អតីតយុទ្ធជន៕
ប្រែសម្រួល ឈូក បូរ៉ា
