បរទេស៖ យោងតាមការចេញផ្សាយរបស់ RT ប្រធានាធិបតីរុស្ស៊ី លោក Vladimir Putin បាននិយាយកាលពីថ្ងៃសុក្រថាប្រទេសរុស្ស៊ីបានត្រៀមខ្លួនរួចជាស្រេច ដើម្បីផ្អាកកិច្ចចរចាសន្តិភាពជាមួយអ៊ុយក្រែន ប្រសិនបើនោះជាជម្រើសរបស់ទីក្រុងគៀវ។
នៅពេលសួរដោយប្រព័ន្ធផ្សព្វផ្សាយអំពីការចរចាដោយផ្ទាល់ដែលរៀបចំដោយប្រទេសតួគី ចាប់តាំងពីខែឧសភាថា ប្រសិនបើថ្នាក់ដឹកនាំអ៊ុយក្រែនជឿថាការរង់ចាំគឺជាការចាំបាច់ នោះពួកគេស្វាគមន៍។ យើងត្រៀមខ្លួនដើម្បីរង់ចាំជានិច្ច។
លោកបានបន្ថែមថា ទីក្រុងមូស្គូជឿជាក់ថា៖ការចរចាតែងតែត្រូវបានទាមទារ និងមានសារៈសំខាន់ ជាពិសេសនៅពេលដែលពួកគេនាំទៅរកសន្តិភាព។ យ៉ាងណាក៏ដោយ លោក Putin បាននិយាយថា ការដោះដូរអ្នកទោស និងការធ្វើមាតុភូមិនិវត្តន៍ គឺជារឿងដែលនៅសេសសល់ប៉ុណ្ណោះដែលត្រូវបានសម្របសម្រួលដោយកិច្ចពិភាក្សា គឺជាលទ្ធផលវិជ្ជមាន។
គួរឲ្យដឹងដែរថាការថ្លែងរបស់មេដឹកនាំរុស្ស៊ីបានធ្វើឡើងខណៈដែលលោកកំពុងជួបជាមួយសមភាគីបេឡារុសលោក Alexander Lukashenko ដែលកំពុងបំពេញទស្សនកិច្ចនៅរុស្ស៊ី។ កាលពីថ្ងៃព្រហស្បតិ៍ លោក Lukashenko បានសង្កត់ធ្ងន់ថា ទីក្រុងមូស្គូជាសម្ព័ន្ធមិត្តជិតស្និទ្ធបំផុតរបស់ប្រជាជាតិរបស់លោក និងជាអ្នកធានាសន្តិសុខជាតិរបស់ខ្លួនផងដែរ៕
ប្រែសម្រួល៖ ស៊ុនលី
