ព័ត៌មានអន្តរជាតិ

យន្តហោះសម្ងាត់ របស់អាមេរិក នឹងសាកល្បង​បច្ចេកវិទ្យា កំណត់ទីតាំង quantum

បរទេស៖ យន្តហោះ X-37B របស់កងកម្លាំងអវកាសអាមេរិក នឹងបំពេញបេសកកម្មទីប្រាំបីរបស់ខ្លួន ជាមួយនឹងគោលដៅ នៃការបង្ហាញពីទីតាំងច្បាស់លាស់ ការរុករក និងពេលវេលា ដោយប្រើឧបករណ៍ចាប់សញ្ញា quantum ។

បើតាមការចេញផ្សាយ របស់សារព៌ត៌មាន VN EXPRESS នៅថ្ងៃទី៥ ខែសីហា បានឱ្យដឹងថា យោងតាមសារព័ត៌មាន Wired គឺ កងកម្លាំងអវកាសអាមេរិក បានប្រកាសថា គ្រោងនឹងបាញ់បង្ហោះយានអវកាស X-37B ស្រដៀងនឹងយានអវកាស នៅក្នុងបេសកកម្មទីប្រាំបីរបស់កម្មវិធី។ ការបាញ់បង្ហោះនៅលើរ៉ុក្កែត Falcon 9 X-37B ត្រូវបានគេរំពឹងថា នឹងហោះឡើងនៅថ្ងៃទី ២១ ខែសីហា ពីមជ្ឈមណ្ឌលអវកាស Kennedy ក្នុងរដ្ឋផ្លរីដា។ កាលពីមុន នៅក្នុងការហោះហើរចុងក្រោយបំផុត របស់ខ្លួន ដែលបានបញ្ចប់ក្នុងខែមីនា យានអវកាសនេះត្រូវបានបាញ់បង្ហោះ ជាលើកដំបូងនៅលើគ្រាប់រ៉ុក្កែត Falcon Heavy ដែលជួយឱ្យវាហោះហួសពីគន្លងផែនដីទាប និងចូលទៅក្នុងគន្លងរាងអេលីបខ្ពស់។

ផ្ទាំងពាណិជ្ជកម្ម

អស់រយៈពេល ១៥ ឆ្នាំកន្លងមកនេះ កងកម្លាំងអវកាសបានរក្សាភាពស្ងៀមស្ងាត់ អំពីបេសកកម្មរបស់យន្តហោះអវកាស ដោយរក្សាការផ្ទុកបន្ទុករបស់ខ្លួនជាសម្ងាត់ និងផ្តល់ព័ត៌មានមានកំណត់អំពីការហោះហើរ នីមួយៗ។ ទោះជាយ៉ាងណាក៏ដោយ សម្រាប់ការហោះហើរនាពេលខាងមុខ ដែលត្រូវបានគេដាក់ឈ្មោះថា OTV-8 យន្តហោះ X-37B នឹងហោះហើរជាមួយនឹងម៉ូឌុលសេវាកម្ម ដើម្បីពង្រីកសមត្ថភាពពិសោធន៍របស់វា ដែលអនុញ្ញាតឱ្យវាផ្ទុកពីមន្ទីរពិសោធន៍ស្រាវជ្រាវ កងទ័ពអាកាស និងកន្លែងសាកល្បងច្នៃប្រឌិតការពារជាតិ៕
ប្រែសម្រួលៈ ណៃ តុលា

To Top