មូស្គូ៖ អ្នកនាំពាក្យវិមានក្រឹមឡាំង លោក Dmitry Peskov បានឲ្យដឹងថា ប្រទេសរុស្ស៊ី លែងមានការរឹតបន្តឹងលើការដាក់ពង្រាយមីស៊ីលរយៈចម្ងាយមធ្យម និងរយៈចម្ងាយខ្លីជាងនេះទៀតហើយ។
សុន្ទរកថារបស់លោកបានធ្វើឡើងបន្ទាប់ពីការប្រកាស កាលពីថ្ងៃច័ន្ទដោយក្រសួងការបរទេសរុស្ស៊ី ដែលបានប្រកាសថា លក្ខខណ្ឌដែលគាំទ្រ ការផ្អាកជាឯកតោភាគី របស់រុស្ស៊ី ក្រោមសន្ធិសញ្ញាកងកម្លាំង នុយក្លេអ៊ែរកម្រិតមធ្យម (INF) បានដួលរលំដោយកត់សម្គាល់ថា ការបង្កើនស្ថិរភាព របស់ប្រទេសលោកខាងលិចនៅក្នុងតំបន់ ដែលនៅជាប់នឹងប្រទេសរុស្ស៊ី បានបង្កការគំរាមកំហែងយ៉ាងធ្ងន់ធ្ងរដល់ប្រទេសនេះ
លោក Peskov បានលើកឡើងនៅពេលត្រូវបានសួរអំពីជំហរ របស់ក្រសួងការបរទេសថា “រុស្ស៊ីប្រឈមមុខនឹងការរឹតបន្តឹងក្នុងរឿងនេះទេ។ លោកបានបញ្ជាក់បន្ថែមថា ទីក្រុងម៉ូស្គូរក្សាសិទ្ធិក្នុងការចាត់វិធានការ និងសកម្មភាពសមស្របនៅពេលចាំបាច់។
សហរដ្ឋអាមេរិក និងសហភាពសូវៀត បានចុះហត្ថលេខាលើសន្ធិសញ្ញា INF ក្នុងឆ្នាំ១៩៨៧ ដែលហាមឃាត់ការកាន់កាប់ បង្កើត និងសាកល្បងមីស៊ីលផ្លោង ដែលមានមូលដ្ឋានលើដីដែលមានចម្ងាយពីចន្លោះពី ៥០០-៥,៥០០ គីឡូម៉ែត្រ។
ប្រែសម្រួល ឈូក បូរ់ា
