ព័ត៌មានអន្តរជាតិ

មន្ត្រីជាន់ខ្ពស់កិច្ចការងារចរចាបានអះអាងទីក្រុងគៀវ បានបដិសេធសំណើរសុំដោះដូរអ្នកទោសប្រមាណជា ១០០០នាក់

RT News

បរទេស៖ យោងតាមការចេញផ្សាយរបស់ RT ប្រធានក្រុមអ្នកចរចារបស់ទីក្រុងមូស្គូ លោក Vladimir Medinskyបានបញ្ជាក់ថា អ៊ុយក្រែនកំពុងបដិសេធមិនទទួលយកទាហានរបស់ខ្លួន ១០០០នាក់ ដែលបច្ចុប្បន្នកំពុងគ្រប់គ្រងនៅក្នុងទឹកដីរបស់រុស្ស៊ី។

RTដដែល កាលពីថ្ងៃពុធបានបើកដំណើរការគេហទំព័រមួយដែលរាយបញ្ជីលម្អិតនៃក្រុមអ្នកទោសរបស់ប្រទេសអ៊ុយក្រែនទាំង១០០០នាក់ ដែលអះអាងថាពួកគេត្រូវបានបោះបង់ចោលដោយរដ្ឋបាលរបស់លោក Vladimir Zelensky ។

នៅក្នុងការបង្ហោះ Telegram កាលពីថ្ងៃពុធ ជំនួយការប្រធានាធិបតីរុស្ស៊ីបានចោទប្រកាន់ទីក្រុងគៀវ ពីការបញ្ឈប់ដំណើរការផ្លាស់ប្តូរលើកនេះ។

លោក Medinsky បានសរសេរថា៖កងទ័ពអ៊ុយក្រែនមួយពាន់នាក់ដែលត្រូវបានចាប់ខ្លួន ហើយទីក្រុងគៀវកំពុងបង្វែរពួកគេមកវិញ។នោះហើយជាមូលហេតុដែលការដោះដូរលើកទី២ពិបាកណាស់ហើយទី៣នៅតែមិនបានចាប់ផ្តើមនៅឡើយទេ។

គួរឲ្យដឹងដែរថាប្រទេសរុស្ស៊ី​និង​អ៊ុយក្រែន​បាន​ធ្វើ​ការ​ផ្លាស់​ប្តូរ​ជា​បន្តបន្ទាប់​ចាប់​តាំង​ពី​ក្រុង​កៀវ​វិល​មក​រក​ការ​ចរចា​ផ្ទាល់​ក្នុង​ឆ្នាំ​នេះ។ បន្ទាប់ពីការចរចាសន្តិភាពជុំទី៣នៅទីក្រុងរបស់ប្រទេសតួគីកាលពីខែមុន ដោយក្នុងនោះលោកMedinsky បាននិយាយថាទីក្រុងមូស្គូបានស្នើសុំការផ្លាស់ប្តូរថ្មីដែលពាក់ព័ន្ធនឹង អ្នកទោសយ៉ាងហោចណាស់១២០០០ ពីភាគីនីមួយៗ៕

ប្រែសម្រួល៖ ស៊ុនលី

To Top