វ៉ាស៊ីនតោន៖ ប្រធានាធិបតីអាមេរិកលោក ដូណាល់ ត្រាំ បានឲ្យដឹងនៅលើប្រព័ន្ធផ្សព្វផ្សាយសង្គមថា កិច្ចប្រជុំរបស់លោកជាមួយប្រធានាធិបតីរុស្ស៊ីលោក វ្លាឌីមៀ ពូទីន នឹងប្រព្រឹត្តទៅនៅថ្ងៃទី១៥ ខែសីហានៅក្នុងរដ្ឋអាឡាស្កា របស់សហរដ្ឋអាមេរិក។
ប្រភពពី RIA Novosti រាយការណ៍ថា ជំនួយការប្រធានាធិបតីរុស្ស៊ីលោកស្រី Yury Ushakov បានបញ្ជាក់ថា លោក ពូទីន និងលោក ត្រាំ នឹងផ្តោតលើជម្រើស សម្រាប់ការសម្រេចបាននូវដំណោះស្រាយសន្តិភាពរយៈពេលវែងនៃជម្លោះរុស្ស៊ី និងអ៊ុយក្រែន នៅឯកិច្ចប្រជុំកំពូលនាពេលខាងមុខ។
ផ្ទាំងពាណិជ្ជកម្ម
គួរបញ្ជាក់ថា កាលពីថ្ងៃព្រហស្បតិ៍ លោក ត្រាំ បានលើកឡើងថា ជំនួបរវាងមេដឹកនាំរុស្ស៊ី និងអ៊ុយក្រែន មិនមែនជាលក្ខខណ្ឌ សម្រាប់លោកក្នុងការជួបជាមួយលោកពូទីននោះទេ៕
ប្រែសម្រួល ឈូក បូរ៉ា
