បរទេស៖ សារព័ត៌មាន NBC News បានរាយការណ៍កាលពីថ្ងៃសុក្រថា ប្រធានាធិបតីអាមេរិកលោក Donald Trump បានស្រែកដាក់នាយករដ្ឋមន្ត្រីអ៊ីស្រាអែល Benjamin Netanyahu ក្នុងអំឡុងពេលពិភាក្សាតាមទូរស័ព្ទ បន្ទាប់ពីមេដឹកនាំអ៊ីស្រាអែលបានព្យាយាមបន្ទាបពីភាពសំខាន់នៃរបាយការណ៍អំពីភាពអត់ឃ្លាននៅក្នុងតំបន់ ហ្គាហ្សា ។
យោងតាមសារព័ត៌មាន RT ចេញផ្សាយនៅថ្ងៃទី៨ ខែសីហា ឆ្នាំ២០២៥ បានឱ្យដឹងថា លោក Netanyahu បានអះអាងជាសាធារណៈថា “គ្មានការអត់ឃ្លាននោះទេ” នៅក្នុងបរិបទប៉ាឡេស្ទីន ដែលត្រូវបានរារាំងដោយកងកម្លាំងយោធាអ៊ីស្រាអែល ទោះបីជាមានការអះអាងជាច្រើនប្រឆាំងនឹងបុគ្គលិកពេទ្យនៅហ្គាហ្សាក៏ដោយ។
ក្នុងអំឡុងពេលធ្វើដំណើរទៅកាន់ចក្រភពអង់គ្លេសកាលពីពេលថ្មីៗនេះ លោក Trump បានបង្ហាញការមិនព្រមព្រៀងជាមួយលោក Netanyahu ដោយប្រាប់អ្នកកាសែតថា ការអត់ឃ្លានគឺពិតមែន។
យោងតាមគេហទំព័រនោះ លោក Netanyahu បានទទូចក្នុងអំឡុងពេលហៅទូរស័ព្ទជាមួយលោកTrump ថា ការចោទប្រកាន់នៃភាពអត់ឃ្លានរីករាលដាលនៅក្នុងតំបន់ ហ្គាហ្សា ត្រូវបានប្រឌិតឡើងដោយក្រុមសកម្មប្រយុទ្ធ Hamas ប៉ុន្តែលោក Trump បានកាត់គាត់ ដោយលើកឡើងនូវមតិរបស់គាត់ និងបញ្ជាក់ថា ជំនួយការរបស់គាត់បានបង្ហាញភស្តុតាងដល់គាត់ផ្ទុយពីនេះ៕
ប្រែសម្រួលៈ ណៃ តុលា
