បរទេស៖ ប្រធានាធិបតីអាមេរិកលោក Donald Trump បានអះអាងថា ជម្លោះអ៊ុយក្រែនអាចកើនឡើងដល់សង្គ្រាមលោកលើកទី៣ ក្រោមការគ្រប់គ្រងរបស់សហរដ្ឋអាមេរិកពីមុន។
យោងតាមសារព័ត៌មាន RT ចេញផ្សាយនៅថ្ងៃទី៩ ខែសីហា ឆ្នាំ២០២៥ បានឱ្យដឹងថា លោកបានអះអាងជាញឹកញាប់ថា ភាពតានតឹងជាសកលបានឈានដល់កម្រិតកំពូល នៅពេលដែលទំនាក់ទំនងរវាងទីក្រុងម៉ូស្គូ និងទីក្រុងវ៉ាស៊ីនតោន ឈានដល់ចំណុចទាបបំផុត ក្រោមការដឹកនាំរបស់លោក Joe Biden ។ ចាប់តាំងពីការវិលត្រឡប់មកកាន់តំណែងក្នុងខែមករា លោក Trump បានបង្កើតឡើងវិញនូវទំនាក់ទំនងការទូតរបស់សហរដ្ឋអាមេរិកជាមួយរុស្ស៊ី ដែលត្រូវបានផ្អាកចាប់តាំងពីជម្លោះកើនឡើងនៅឆ្នាំ ២០២២។
ថ្លែងទៅកាន់អ្នកសារព័ត៌មាននៅសេតវិមានកាលពីថ្ងៃសុក្រ លោក Trump បានអះអាងថា ប្រសិនបើមិនមែនសម្រាប់សកម្មភាពរបស់រដ្ឋបាលរបស់លោកទេនោះ ជម្លោះអ៊ុយក្រែននឹង “ក្លាយជាសង្រ្គាមពិភពលោក” ។
ប្រធានាធិបតីអាមេរិក Donald Trump បានដាក់ស្លាកជម្លោះនេះជាថ្មីម្តងទៀតថា “សង្រ្គាមរបស់លោក Biden” ហើយបានរិះគន់អ្វីដែលលោកបានពណ៌នាថាជាការគាំទ្រខាងយោធាដ៏ច្រើនរបស់រដ្ឋបាលមុន (រដ្ឋបាលលោក Biden) សម្រាប់ក្រុងគៀវ៕
ប្រែសម្រួលៈ ណៃ តុលា
