ព័ត៌មានអន្តរជាតិ

ពលរដ្ឋអ៊ីស្រាអែល រាប់ពាន់នាក់ធ្វើការតវ៉ាប្រឆាំង ដ៏ធំមួយប្រឆាំងនឹងផែនការ កាន់កាប់ដោយយោធាអ៊ីស្រាអែល លើតំបន់ហ្គាហ្សា

RT News

បរទេស ៖ យោងតាមការចេញផ្សាយរបស់ RT បាតុករ​អ៊ីស្រាអែល ​រាប់​ពាន់​នាក់​បាន​ធ្វើ​បាតុកម្ម ​នៅ​តាម​ដង​ផ្លូវ​ក្នុង​ក្រុង Tel Aviv ក្រុង Jerusalem និង​ទីក្រុង​ដទៃ​ទៀត​ កាល​ពី​យប់​ថ្ងៃ​សៅរ៍ ដើម្បី​ប្រឆាំង​នឹង​ផែនការ​ របស់​នាយក​រដ្ឋមន្ត្រី Benjamin Netanyahu ក្នុង​ការ​ដណ្តើម​យក​ក្រុង Gaza។

វាត្រូវបានគេមើលឃើញថា គឺជាការតវ៉ាដ៏ធំបំផុតមួយ ដែលមិនធ្លាប់ឃើញពីមុនមក ប្រឆាំងនឹងសង្គ្រាមនៅហ្គាហ្សា ដែលបង្កឡើងដោយការ វាយប្រហាររបស់ក្រុមសកម្ម ប្រយុទ្ធហាម៉ាសលើប្រទេស អ៊ីស្រាអែលក្នុងខែតុលា ឆ្នាំ ២០២៣។

ការប្រមូលផ្តុំគ្នាទាមទារឱ្យមានកិច្ចព្រមព្រៀងឈប់បាញ់ជាបន្ទាន់ បានទាក់ទាញបាតុករជាង១០០,០០០ នាក់ ហើយត្រូវបានរៀបចំឡើង ដោយក្រុមគ្រួសារនៃអ្នកចាប់ឃុំឃាំង ដែលក្រុមហាម៉ាសកំពុងឃុំខ្លួន ។ ពួកគេ​បារម្ភ​ថា ការ​ដណ្តើម​កាន់កាប់​ទីក្រុង Gaza អាច​ពង្រីក​សង្រ្គាម ហើយ​បណ្តាល​ ឲ្យ​មាន​ការ​ស្លាប់​ទាហាន និង​ចំណាប់ខ្មាំង​បន្ថែម​ទៀត។

សាច់​ញាតិ​របស់​អ្នក​ជាប់​ឃុំឃាំង​ និង​ទាហាន​ដែល​បានពលីក៏ គ្រោងនឹងអំពាវនាវ ឱ្យក្រុមហ៊ុន ឯកជន អង្គការ សហជីព និងប្រជាពលរដ្ឋសាមញ្ញ ចូលរួមក្នុងបាតុកម្មនៅទូទៅ ទូទាំងប្រទេសផងដែរ ។

គួរឲ្យដឹងដែរថាគណៈរដ្ឋមន្ត្រីកិច្ចការងារ សន្តិសុខរបស់លោក Netanyahu បានអនុម័តផែនការ មួយដើម្បីអាច បញ្ចប់សង្គ្រាម ជាមួយក្រុមហាម៉ាស នៅហ្គាហ្សាកាលពីថ្ងៃសុក្រ ។ រដ្ឋាភិបាល​បានសម្រេចចិត្តប្រឆាំង​នឹង​ការ​ព្រមាន​ពី​កងទ័ព​ថា ប្រតិបត្តិការ​បែប​នេះ​ បាន​ប្រថុយ​អាយុ​ជីវិត​ ចំណាប់ខ្មាំង​ដែល​នៅ​សេសសល់ បន្ថែម​ពីលើ​ការ​បង្ក​ជា​មហន្តរាយ​មនុស្សធម៌៕

ប្រែសម្រួល៖ស៊ុនលី

To Top