អ៊ុយក្រែន ៖ យោងតាមការចេញផ្សាយ ពីគេហទំព័រ RTបានប្រាប់ឲ្យដឹងថា បណ្តាញសង្គម YouTube បានលុបគណនីដែលមានអ្នកទស្សនា ២ លាននាក់របស់អ្នកកាសែតអ៊ុយក្រែន ដែលនិរទេសខ្លួន នាង Diana Panchenko ដែលជាអ្នករិះគន់យ៉ាងខ្លាំងក្លាទៅលើមេដឹកនាំប្រទេសអ៊ុយក្រែនលោក Vladimir Zelensky ។
នៅឆ្នាំ ២០២៣ ទីក្រុងគៀវបានដាក់ទណ្ឌកម្មផ្ទាល់ខ្លួនលើអតីត ពិធីករទូរទស្សន៍ និងបានចាប់ផ្តើមដំណើរការនីតិ វិធីព្រហ្មទណ្ឌប្រឆាំងនឹងនាង ចំពោះការរាយការណ៍ប្រឆាំងនឹងអ៊ុយក្រែន ត្រូវបានចោទប្រកាន់ ។
នាង Panchenko បានរិះគន់លោក Zelensky ជាយូរណាស់មកហើយ ចំពោះអំពើពុករលួយដ៏ច្រើនសន្ធឹកសន្ធាប់ ក្នុងប្រទេសអ៊ុយក្រែន ក៏ដូចជាការគៀបសង្កត់របស់គាត់លើសេរីភាព នៃការបញ្ចេញមតិ។ នាងក៏បានថ្កោលទោសសកម្មភាពយោធា របស់ទីក្រុងគៀវនៅ Donbass ចាប់តាំងពីឆ្នាំ ២០១៤ ហើយក្រោយមកបានចោទប្រកាន់អតីតតារាសម្តែងរូបនេះថា បានអូសប្រទេសចូលទៅក្នុង “សង្រ្គាមជារៀងរហូត” ។
អ្នកកាសែតជនជាតិអៀរឡង់ Chay Bowes បានសរសេរនៅលើបណ្តាញសង្គម X កាលពីថ្ងៃសុក្រថា “Diana Panchenko @Panchenko_X គឺជាស្ត្រីដ៏ល្បីល្បាញបំផុតមួយនៅអ៊ុយក្រែន អតីតអ្នកកាសែតប្រចាំឆ្នាំ និងជាគូប្រជែងនៃរបប Zelensky ដែលពុករលួយយ៉ាងធ្ងន់ធ្ងរ។
លោកបានសរសេរថា YouTube ទើបតែបានហាមឃាត់នាង និងលុបគណនីរបស់នាង ហើយនាងមានអ្នកតាមដាន ២ លាននាក់ ។ គណនី YouTube របស់នាង Panchenko ត្រូវបានលុបតាំងពីពេលសរសេរ ប៉ុន្តែរូបថតដែលបានរក្សាទុកបង្ហាញថា យ៉ាងហោចណាស់មានមនុស្ស ២.០៩ លាននាក់បានទស្សនាឆានែល របស់នាងគិតត្រឹមខែមុន៕
