វៀតណាម ចង់ក្លាយជាខ្លាអាស៊ីបន្ទាប់ ហើយកំពុងកែលំអសេដ្ឋកិច្ច ដើម្បីធ្វើឲ្យបំណង នេះកើតឡើង
បរទេស៖ នៅក្រោមផ្ទាំង បដាពណ៌ក្រហម និងរូបចម្លាក់ពណ៌មាសរបស់មេដឹកនាំបដិវត្តន៍ហូជីមិញ នៅសាលាបក្សកណ្តាល ទីក្រុងហាណូយ ប្រធានបក្សកុម្មុយនិស្ត To Lam បានប្រកាសពីការមកដល់នៃ “សករាជថ្មីនៃការអភិវឌ្ឍន៍” កាលពីចុងឆ្នាំមុន។ សុន្ទរកថានេះ គឺលើស ពីនិមិត្តសញ្ញា គឺវាបានបង្ហាញពីការចាប់ផ្តើម នៃអ្វីដែលអាចជាការ ផ្លាស់ប្តូរសេដ្ឋកិច្ច ប្រកបដោយមហិច្ឆតាបំផុតរបស់វៀតណាម ក្នុងរយៈពេលជាច្រើនទសវត្សរ៍។
យោងតាមសារព័ត៌មាន AP ចេញផ្សាយ កាលពីថ្ងៃទី១៣ ខែសីហា ឆ្នាំ២០២៥ បានឱ្យដឹងថា វៀតណាមមានបំណង ចង់ក្លាយជាប្រទេសអ្នកមាននៅឆ្នាំ ២០៤៥ និង ក្លាយជា “ខ្លាសេដ្ឋកិច្ច” បន្ទាប់របស់អាស៊ី ជាពាក្យដែលប្រើដើម្បី ពិពណ៌នាអំពីការឡើង មុននៃប្រទេសដូចជាកូរ៉េខាងត្បូង និងកោះតៃវ៉ាន់។
បញ្ហាប្រឈមនៅខាងមុខគឺធ្ងន់ធ្ងរ៖ ការផ្សះផ្សាកំណើនជាមួយនឹងកំណែទម្រង់ដែលហួសកាលកំណត់ ចំនួនប្រជាជនវ័យចំណាស់ ហានិភ័យ នៃអាកាសធាតុ និងស្ថាប័នដែលផ្លាស់ប្តូរ។ មានសម្ពាធបន្ថែមពីប្រធានាធិបតី អាមេរិកលោក Donald Trump ជុំវិញអតិរេកពាណិជ្ជកម្ម របស់វៀតណាម ជាមួយសហរដ្ឋអាមេរិក ដែលជាការឆ្លុះបញ្ចាំងពីគន្លង សេដ្ឋកិច្ចដ៏គួរ ឱ្យភ្ញាក់ផ្អើលរបស់ខ្លួន។
នៅឆ្នាំ ១៩៩០ ជនជាតិវៀតណាមជាមធ្យមអាចទិញទំនិញ និងសេវាកម្មដែលមានតម្លៃប្រហែល ១.២០០ ដុល្លារក្នុងមួយឆ្នាំ ដោយកែតម្រូវតាមតម្លៃក្នុងស្រុក។ សព្វថ្ងៃនេះ តួលេខនោះបានកើនឡើងច្រើនជាង១៣ ដងដល់ ១៦.៣៨៥ ដុល្លារ។
ការផ្លាស់ប្តូររបស់វៀតណាមទៅជាមជ្ឈមណ្ឌលផលិតកម្មពិភពលោកជាមួយនឹងផ្លូវហាយវេថ្មី អគារខ្ពស់ៗ និងវណ្ណៈកណ្តាលដែលកំពុងរីកចម្រើនបានជួយប្រជាជន រាប់លាននាក់របស់ខ្លួន ចេញពីភាពក្រីក្រ ស្រដៀងទៅនឹង ប្រទេសចិនដែរ។ ប៉ុន្តែការរីកចម្រើនដែលដឹកនាំដោយការនាំចេញដែលមានតម្លៃទាបរបស់ខ្លួនកំពុងធ្លាក់ចុះ ហើយវាប្រឈមមុខនឹងឧបសគ្គកាន់តែខ្លាំងចំពោះកំណែទម្រង់ដែលបានស្នើឡើង – ការពង្រីកឧស្សាហកម្មឯកជន ការពង្រឹងការការពារសង្គម និងការវិនិយោគលើបច្ចេកវិទ្យា និងថាមពលបៃតង – ពីការប្រែប្រួលអាកាសធាតុ៕
ប្រែសម្រួលៈ ណៃ តុលា
