ប្រធានាធិបតីអាមេរិក ស្វែងរកការពង្រីកការគ្រប់គ្រង សហព័ន្ធនៃ ប៉ូលីសក្រុងវ៉ាស៊ីនតោន
វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានឲ្យដឹងថា លោកនឹងដាក់ស្នើច្បាប់ស្តី ពីឧក្រិដ្ឋកម្ម និងសុំឱ្យសភាអនុម័ត ដើម្បីពង្រីកការគ្រប់គ្រង សហព័ន្ធនៃនាយកដ្ឋាន ប៉ូលិសក្រុងវ៉ាស៊ីនតោន ដើម្បីដោះស្រាយឧក្រិដ្ឋកម្ម នៅក្នុងរដ្ឋធានី របស់ប្រទេស។
លោក ត្រាំ បានប្រាប់អ្នកយកព័ត៌មាន បន្ទាប់ពីព្រឹត្តិការណ៍ មួយនៅមជ្ឈមណ្ឌល Kennedy ថា “យើងនឹងត្រូវការច្បាប់ ឧក្រិដ្ឋកម្ម ដែលយើងនឹងដាក់បញ្ចូល ហើយវានឹងទាក់ទង ដំបូងទៅនឹងរដ្ឋធានី DC” ។ “យើងនឹងស្នើឱ្យមានការបន្ថែមលើនោះ ការបន្ថែមរយៈពេលវែង ព្រោះអ្នកមិនអាចមានពេល ៣០ ថ្ងៃបានទេ”។
កាលពីថ្ងៃច័ន្ទ លោក ត្រាំ បានចុះហត្ថលេខាលើបទបញ្ជាប្រតិបត្តិ ដោយប្រកាសអាសន្នឧក្រិដ្ឋកម្ម នៅវ៉ាស៊ីនតោនឌីស៊ី ដើម្បី “ការពារមន្ត្រីរាជការ ប្រជាពលរដ្ឋ និង អ្នកទេសចរ និងធានានូវដំណើរការប្រកបដោយសុវត្ថិភាពរ បស់រដ្ឋាភិបាលសហព័ន្ធ” នេះបើយោងតាមសេតវិមាន ។ ភាពអាសន្ននឹងមានរយៈពេល ៣០ ថ្ងៃ ហើយការបន្ថែមណាមួយត្រូវ តែត្រូវបានអនុម័តដោយសភា។
លោក ត្រាំ កាលពីថ្ងៃពុធ ក៏បានរិះគន់ការជំរុញរបស់រដ្ឋធានី DC សម្រាប់ភាពជារដ្ឋដោយថា “ភាពជារដ្ឋ គឺគួរឱ្យអស់សំណើច ។ យើងចង់កំណត់កន្លែងឱ្យត្រង់” ។ មន្ត្រីយោធាជាន់ខ្ពស់ម្នាក់បានប្រាប់ប្រព័ន្ធផ្សព្វផ្សាយក្នុងស្រុកថា កងទ័ពឆ្មាំជាតិ បានចាប់ផ្តើមដាក់ពង្រាយនៅ DC កាលពីយប់ថ្ងៃអង្គារដោយមានសមាជិកចំនួន ៨០០ ត្រូវបានគេរំពឹងថា នឹងដំណើរការពេញលេញនៅចុងសប្តាហ៍នេះ៕
ប្រែសម្រួល ឈូក បូរ៉ា
