ទាហានរត់ចោលជួរ របស់ថៃម្នាក់ នៅខេត្តសូរិន បាញ់ប្រហារអ្នកភូមិ ១២គ្រាប់ របួស២នាក់
បរទេស៖ កងយោធពលខេមរភូមិន្ទថៃ បានបំភ្លឺអំពីឧប្បត្តិហេតុបាញ់ប្រហារ នៅស្រុក Kab Choeng ខេត្ត Surin នៅថ្ងៃទី ១៥ ខែសីហា ឆ្នាំ ២០២៥នេះ។ នៅវេលាម៉ោង ១២ និង ៤៥ នាទី កងទ័ព នៃកងពលថ្មើរជើងលេខ ១៦២៣ បានឮស្នូរកាំភ្លើង ១០ គ្រាប់ នៅជិតផ្លូវមួយមុខវត្តបានឃឿនកែវ បន្ទាប់ទៀតលឺ ២ គ្រាប់ទៀតនៅម៉ោង ១២ និង ៥៤ នាទីព្រឹក។
សារព័ត៌មាន Khaosod បានផ្សាយថា ពេលឆែកឆេរ បុគ្គលិក និងអាវុធ មន្ត្រីជំនាញបានរកឃើញថា Private Ratthaphum បានចាកចេញពីមុខតំណែង ដោយគ្មានការអនុញ្ញាត ដោយបានយកកាំភ្លើង និងគ្រាប់កាំភ្លើង ហើយក៏បាញ់ប្រហារតែម្តង។
ជនស៊ីវិលពីរនាក់បានរងរបួសក្នុងការបាញ់ប្រហារនោះ រួមមាន ឈ្មោះ Anuwat អាយុ ៣២ឆ្នាំ បាញ់ចំសួតខាងស្តាំ របួសធ្ងន់ តែដឹងខ្លួន បញ្ជូនទៅមន្ទីរពេទ្យសុរិន្ទ ម្នាក់ទៀត អាយុ ៣៥ឆ្នាំ របួសប៉ុន្តែសភាពស្រាល។
កម្លាំងនគរបាល និងយោធាកំពុងស៊ើបអង្កេតតំបន់នោះ និងសាកសួរសាក្សី។ ទាហានរូបនេះត្រូវបានគេសង្ស័យថាបានបង្កហេតុការណ៍នេះ បើទោះជាហេតុផលនៅមិនទាន់ច្បាស់លាស់ក៏ដោយ។ ប្រតិបត្តិការស្រាវជ្រាវកំពុងបន្តប៉ុន្តែរកមិនឃើញជនសង្ស័យឡើយ ។
កងទ័ពបានជំរុញឲ្យអ្នកស្រុករាយការណ៍ជាបន្ទាន់នូវបុគ្គលដែលគួរឲ្យសង្ស័យទៅអាជ្ញាធរ ហើយសន្យាធ្វើបច្ចុប្បន្នភាពនៅពេលការស៊ើបអង្កេតកំពុងដំណើរការ។
ក្រោយមក ទាហានដែលវង្វេងនោះ ត្រូវបានរកឃើញ។ គាត់បានបាញ់ចំនួន ១២ គ្រាប់ បណ្តាលឲ្យអ្នកភូមិពីរនាក់រងរបួស។ ឪពុករបស់គាត់ បានគេនាំខ្លួនប្រគល់ឲ្យប៉ូលីស៕
ប្រែសម្រួលៈ ណៃ តុលា
