បណ្ដាមេដឹកនាំពិភពលោក អំពាវនាវឲ្យអ៊ីស្រាអែល បញ្ឈប់គម្រោងសាងសង់ លំនៅឋាននៅតំបន់ West Bank
ឡុងដ៍៖ បណ្ដាមេដឹកនាំពិភពលោក ក្នុងរដ្ឋមន្ត្រីការបរទេស អង់គ្លេស លោក ដេវីដ ឡាំមី និងអគ្គលេខាធិការអង្គការ សហប្រជាជាតិ បានអំពាវនាវឱ្យអ៊ីស្រាអែល បញ្ឈប់ផែនការសាងសង់ លំនៅដ្ឋានរបស់ខ្លួននៅ West Bank ដោយព្រមានថា វិធានការនេះនឹងបង្កើតជា “ការបំពានច្បាប់អន្តរជាតិ” និងធ្វើឱ្យប៉ះពាល់យ៉ាងធ្ងន់ធ្ងរដល់ការរំពឹងទុក សម្រាប់ដំណោះស្រាយរដ្ឋពីរ។
លោក ឡាំមី បានឲ្យដឹងថា “ចក្រភពអង់គ្លេសប្រឆាំងយ៉ាងខ្លាំង ចំពោះផែនការដោះស្រាយ E1 របស់រដ្ឋាភិបាលអ៊ីស្រាអែល ដែលនឹងបែងចែករដ្ឋប៉ាឡេស្ទីននាពេលអនាគតជាពីរ” ដោយបន្ថែមថា “ផែនការត្រូវតែបញ្ឈប់ឥឡូវនេះ” ។
ការកត់សម្គាល់របស់ោក បានធ្វើឡើងបន្ទាប់ពីការបង្ហាញពីផែនការរបស់រដ្ឋមន្ត្រីហិរញ្ញវត្ថុអ៊ីស្រាអែលលោក Bezalel Smotrich ដើម្បីសាងសង់លំនៅដ្ឋានប្រហែល ៣,៥០០ នៅក្នុងតំបន់ E1 នៃតំបន់ West Bank ។ លោក Smotrich បានប្រកាសថា គម្រោងនេះនឹង “កប់ចោលកាន់តែជ្រៅ” នូវគំនិតនៃភាពជារដ្ឋប៉ាឡេស្ទីន។
តំបន់ E1 ដែលជាដីលាតសន្ធឹងនៅភាគខាងកើតនៃក្រុងយេរូសាឡឹមរវាងទីក្រុង និងការតាំងទីលំនៅ Ma’ale Adumim ត្រូវបានចាត់ទុកថា មានភាពចម្រូង ចម្រាស ជាពិសេស ដោយសារ តែការសាងសង់នៅទីនោះ នឹងកាត់ផ្តាច់ទីក្រុង យេរ៉ូសាឡឹម ខាងកើត ចេញពីភាគខាងជើងតំបន់ West Bank ។ ផែនការសាងសង់ក្នុងតំបន់ត្រូវ បានជាប់គាំងជាច្រើន ឆ្នាំមកហើយ ភាគច្រើនដោយសារការ ប្រឆាំងពីអន្តរជាតិ។
លោកឡាំមី រួមជាមួយរដ្ឋមន្ត្រីការបរទេសកាណាដាលោក Anita Anand និងរដ្ឋមន្ត្រីបារាំងទទួលបន្ទុកអឺរ៉ុប និងកិច្ចការបរទេសលោក Jean-Noel Barrot ក៏បានពិភាក្សាអំពីតម្រូវការសម្រាប់ “បទឈប់បាញ់ភ្លាមៗ ការដោះលែងចំណាប់ខ្មាំងទាំងអស់ ជំនួយទឹកជំនន់ និងផែនការ ដើម្បីផ្តល់សន្តិភាពយូរអង្វែង” នៅក្នុងតំបន់ហ្គាហ្សាផងដែរ។
ការប្រកាសនេះក៏បានកើតឡើងផងដែរ នៅពេល ដែលចក្រភព អង់គ្លេស ក្នុងចំណោមប្រទេសមួយចំនួនទៀត បង្ហាញការត្រៀមខ្លួនរបស់ខ្លួនក្នុងការទទួលស្គាល់រដ្ឋប៉ាឡេស្ទីន ជាផ្លូវការនៅក្នុងខែកញ្ញា លុះត្រាតែអ៊ីស្រាអែល បំពេញលក្ខខណ្ឌសំខាន់ៗ ដូចជាការយល់ព្រមលើបទ ឈប់បាញ់នៅតំបន់ហ្គាហ្សា។
លោកបានឲ្យដឹងនៅក្នុងការបង្ហោះនៅលើប្រព័ន្ធផ្សព្វផ្សាយ សង្គមកាលពីថ្ងៃព្រហស្បតិ៍ថា “ស្ថានភាពនៅតំបន់ហ្គាហ្សា គឺគួរឱ្យរន្ធត់” ដោយព្រមានថាសកម្មភាព របស់អ៊ីស្រាអែល កំពុងធ្វើឱ្យមានគ្រោះថ្នាក់ដល់ដំណោះស្រាយរដ្ឋទាំងពីរ៕
ប្រែសម្រួល ឈូក បូរ៉ា
