ប្រធានាធិបតីអ៊ុយក្រែន សង្ឃឹមថា ជំនួបរវាងមេដឹកនាំកំពូលអាមេរិក-រុស្ស៊ី នឹងត្រួសត្រាយផ្លូវសម្រាប់កិច្ចចរចាត្រីភាគី
By
Posted on
China Daily
គៀវ៖ ប្រធានាធិបតីអ៊ុយក្រែន លោក វូឡូឌីមៀ ហ្សេឡិនស្គី បានសម្តែងក្តីសង្ឃឹមថា ជំនួបនាពេលរវាងប្រធានាធិបតីអាមេរិក លោក ដូណាល់ ត្រាំ និងប្រធានាធិបតីរុស្ស៊ី លោក វ្លាឌីមៀ ពូទីន នៅរដ្ឋ Alaska អាចត្រួសត្រាយផ្លូវ សម្រាប់កិច្ចចរចាបីផ្លូវ។
លោក ហ្សេឡិនស្គី បានសរសេរនៅលើទំព័រ X ថា “រឿងសំខាន់គឺថា កិច្ចប្រជុំនេះគួរតែបើកផ្លូវពិតប្រាកដមួយឆ្ពោះទៅរកសន្តិភាពដ៏ត្រឹមត្រូវ និងការពិភាក្សាយ៉ាងសំខាន់រវាងមេដឹកនាំក្នុងទម្រង់ត្រីភាគី អ៊ុយក្រែន សហរដ្ឋអាមេរិក និងភាគីរុស្ស៊ី”។
លោកបានសង្កត់ធ្ងន់ថា ដល់ពេលត្រូវបញ្ចប់សង្គ្រាមហើយ ខណៈគូសបញ្ជាក់ថា រុស្ស៊ីត្រូវតែចាត់វិធានការចាំបាច់។
ប្រធានាធិបតីអ៊ុយក្រែនរូបនេះ បានបន្ថែមថា “យើងកំពុងពឹងផ្អែកលើអាមេរិក។ យើងត្រៀមខ្លួនជាស្រេច ដើម្បីធ្វើការប្រកបដោយផលិតភាពតាមដែលអាចធ្វើទៅបាន”៕
ប្រែសម្រួល ឈូក បូរ៉ា
