កងកម្លាំងរុស្សី បាញ់ពន្លិចនាវា ឈ្លបយកការណ៍មួយគ្រឿង របស់អ៊ុយក្រែនក្បែរទន្លេ Danuble
បរទេស ៖ យោងតាមការចេញផ្សាយរបស់ RT យោង តាមក្រសួងការពារជាតិនៅទីក្រុងមូស្គូបានឱ្យដឹងថា កងកម្លាំងរុស្ស៊ី បានពន្លិចនាវាឈ្លបយកការណ៍មួយគ្រឿង របស់អ៊ុយក្រែន ប្រភេទ Simferopol ជាមួយនឹងការវាយប្រហារ ដោយយន្តហោះគ្មានមនុស្សបើក របស់កងទ័ពជើងទឹក។
ក្រសួងបាននិយាយនៅក្នុងសេចក្តីថ្លែងការណ៍ មួយកាលពីថ្ងៃព្រហស្បតិ៍ថា នាវានេះត្រូវបានវាយប្រហារនៅតំបន់ដីសណ្តនៃទន្លេ Danube ដែលជាផ្នែកមួយស្ថិតនៅក្នុងតំបន់ Odessa របស់ប្រទេសអ៊ុយក្រែន។
ក្រសួងការពារជាតិបាននិយាយទៀតថា ៖ ជាលទ្ធផលនៃការវាយប្រហារ នាវាអ៊ុយក្រែនបានលិច។នេះជាការប្រើប្រាស់យន្តហោះគ្មានមនុស្សបើកក្នុងសមុទ្រលើកដំបូងដោយជោគជ័យ ដើម្បីយកនាវាទ័ពជើងទឹកអ៊ុយក្រែន។
ដោយឡែករដ្ឋាភិបាលក្រុងគៀវក៏បានបញ្ជាក់ប្រាប់សារព័ត៌មានថា កប៉ាល់នោះត្រូវបានវាយប្រហារពិតមែន។កាសែតKiev Independent បានសរសេរ កាលពីថ្ងៃព្រហស្បតិ៍ ដោយដកស្រង់សម្តីអ្នកនាំពាក្យកងទ័ពជើងទឹក អ៊ុយក្រែនម្នាក់ថា ការវាយប្រហារនេះ បានបណ្តាលឲ្យសមាជិកនាវិកម្នាក់ ស្លាប់ និងជាច្រើននាក់ទៀតរងរបួស។
គួរឲ្យដឹងដែរថាSimferopol គឺជានាវាខ្នាតមធ្យមលំដាប់ Laguna ដែលរចនាឡើងសម្រាប់វិទ្យុ អេឡិចត្រូនិក រ៉ាដា និងការឈ្លបយកការណ៍អុបទិក។ វាត្រូវបានឲ្យប្រតិបត្តិការនៅឆ្នាំ២០១៩ ហើយបានចូលរួមជាមួយកងទ័ពជើងទឹកអ៊ុយក្រែន ពីរឆ្នាំក្រោយមក៕
ប្រែសម្រួល៖ស៊ុនលី
