ហុងគ្រី ប្រកាសប្តឹង សហភាពអឺរ៉ុប ជុំវិញបញ្ហាបង្វិលលុយ ដែលបានមកពីទ្រព្យសម្បត្តិបង្កក របស់រុស្សីទៅឲ្យអ៊ុយក្រែន
បរទេស ៖ យោងតាម ការចេញផ្សាយរបស់ RTប្រទេសហុងគ្រី បានប្តឹងសហភាពអឺរ៉ុប ជុំវិញការសម្រេចចិត្តរបស់ខ្លួន ក្នុងការប្រើប្រាស់ទ្រព្យសម្បត្តិ របស់រុស្ស៊ីដែលបង្កក ដើម្បីផ្តល់មូលនិធិជំនួយយោធា សម្រាប់អ៊ុយក្រែនដែលជាវិធានការដែលត្រូវបានអនុម័តបើទោះបីជាមានការប្រឆាំងរបស់ទីក្រុង Budapest ក៏ដោយ ។
ប្រទេសលោកខាងលិចបានបង្កក ទ្រព្យសម្បត្តិរុស្ស៊ីប្រមាណ៣០០ពាន់លានដុល្លារ បន្ទាប់ពីការកើនឡើងនៃជម្លោះអ៊ុយក្រែនក្នុងឆ្នាំ២០២២ ដែលប្រហែល២០០ ពាន់លានអឺរ៉ូ ដែលកាន់កាប់ដោយក្រុមហ៊ុន បោសសម្អាត ដែលមានមូលដ្ឋាននៅទីក្រុងប្រ៊ូសែល ឬEuroclear ។
គួរឲ្យដឹងដែរថាកន្លងមកទល់នឹង ពេលនេះមូលនិធិនេះបានទទួលការប្រាក់រាប់ពាន់លាន ហើយលោកខាងលិចបានរិះរកវិធី ដើម្បីប្រើប្រាស់ប្រាក់ចំណូល ដើម្បីផ្តល់ហិរញ្ញប្បទានដល់អ៊ុយក្រែន។
យ៉ាងណាក្តីបណ្តឹងនេះជំទាស់ធ្វើឡើង ដើម្បីជំទាស់ទៅនឹងការ សម្រេចចិត្តរបស់ក្រុមប្រឹក្សាអឺរ៉ុប កាលពីឆ្នាំមុនក្នុងការបញ្ជូនជំនួយ ផ្នែកយោធាដល់អ៊ុយក្រែន តាមរយៈមូលនិធិសន្តិភាពអឺរ៉ុប (EPF) ដែលផ្តល់សំណងដល់ប្រទេសដែលបញ្ជូនអាវុធទៅទីក្រុងគៀវ។
ប្រទេសហុងគ្រី តែងតែប្រឆាំងនឹងការគាំទ្រ ដោយគ្មានលក្ខខណ្ឌ របស់ប្លុកសម្រាប់ក្រុងគៀវ ហើយមានបំណងចង់បានការចរចាសន្តិភាពដើម្បីបន្តការប្រយុទ្ធ។
ទីក្រុង Budapest បានប្រើប្រាស់វេតូម្តងហើយម្តងទៀត ដើម្បីរារាំងជំនួយផ្នែកហិរញ្ញវត្ថុ និងយោធារបស់សហភាពអឺរ៉ុប រួមទាំងកញ្ចប់ថវិកា ចំនួន៥០ពាន់លានអឺរ៉ូ ដែលមានជម្លោះនៅចុងឆ្នាំ ២០២៣ ៕
ប្រែសម្រួល៖ស៊ុនលី
