កោះតៃវ៉ាន់ ប៉ាន់ប្រមាណថា ប្រទេសចិនបានចំណាយប្រាក់ ២១ ពាន់លានដុល្លារ សម្រាប់សមយុទ្ធយោធានៅច្រកសមុទ្រតៃវ៉ាន់ សមុទ្រចិនខាងកើត និងខាងត្បូង និងប៉ាស៊ីហ្វិកខាងលិច កាលពីឆ្នាំមុន
បរទេស៖ ប្រទេសចិន បានចំណាយប្រាក់ ២១ ពាន់លានដុល្លារ សម្រាប់សមយុទ្ធយោធា នៅច្រកសមុទ្រ តៃវ៉ាន់ សមុទ្រចិនខាងកើត និងសមុទ្រចិនខាងត្បូង និងប៉ាស៊ីហ្វិកខាងលិច កាលពីឆ្នាំមុន ពោលគឺជិត ៤០% ខ្ពស់ជាងឆ្នាំ ២០២៣, នេះបើយោងតាមការប៉ាន់ប្រមាណ របស់រដ្ឋាភិបាលតៃវ៉ាន់ ដោយផ្អែកលើការតាមដានយន្តហោះ និងកប៉ាល់របស់ខ្លួន និងធ្វើការលើថ្លៃប្រេងឥន្ធនៈ និងការចំណាយផ្សេងទៀត។
យោងតាមសារព័ត៌មាន Reuters ចេញផ្សាយ នៅថ្ងៃទី២៩ ខែសីហា ឆ្នាំ២០២៥ បានឱ្យដឹងថា ការស្រាវជ្រាវផ្ទៃក្នុង ដោយកងកម្លាំងប្រដាប់អាវុធ របស់កោះតៃវ៉ាន់ ដែលត្រូវបានពិនិត្យដោយ Reuters និងបញ្ជាក់ដោយមន្ត្រី កោះតៃវ៉ាន់ ៤ នាក់ ផ្តល់នូវព័ត៌មានលម្អិតដ៏កម្រនៃកន្លែង ដែលការចំណាយលើវិស័យការពារជាតិ របស់ចិនប្រហែលជាកំពុងនឹងកើតឡើង នៅពេលដែលទីក្រុងប៉េកាំងពង្រីកទីតាំងយោធា និងវិសាលភាពនៃសមយុទ្ធរបស់ខ្លួន ។
ប្រទេសចិនបានផ្តល់ថវិកា ចំនួន ១,៦៧ ពាន់ពាន់លានយន់ ស្មើនឹងប្រមាណ ២៣៣,៤៧ ពាន់លានដុល្លារ ក្នុងការចំណាយលើវិស័យ ការពារជាតិសម្រាប់ឆ្នាំមុន ប៉ុន្តែអ្នកការទូតជឿយ៉ាងទូលំទូលាយថា ចំនួននេះគឺស្ថិតនៅក្រោមតួលេខ នៃរបាយការណ៍។ ចិនមិនបានផ្តល់ការវិភាគអំពីរបៀបនៃការចំណាយប្រាក់នោះទេ ។
មន្ត្រីដែលត្រូវសង្ខេបអំពីការស្រាវជ្រាវនេះ បានបដិសេធឆ្លើយ ដោយសារតែភាពរសើបនៃបញ្ហានេះ។
ទាំងក្រសួងការពារជាតិចិន និងការិយាល័យកិច្ចការកោះតៃវ៉ាន់ មិនបានឆ្លើយតបទៅនឹងសំណើ សុំការអត្ថាធិប្បាយទេ។ ប្រទេសចិន ដែលចាត់ទុកកោះតៃវ៉ាន់ ជាទឹកដីរបស់ខ្លួន បាននិយាយម្តងហើយម្តងទៀតថា ការចំណាយយោធារបស់ខ្លួនមានតម្លាភាព និងមិនមានការគំរាមកំហែង អ្វីឡើយ ៕
