កម្លាំងទ័ព Burapha របស់ថៃ ប្រកាសច្បាប់អាជ្ញាសឹក ក្នុងខេត្តស្រះកែវ ជាប់កម្ពុជា
បរទេស៖ កម្លាំងទ័ព Burapha របស់ថៃ បានចេញប្រកាសច្បាប់អាជ្ញាសឹក កាលពីថ្ងៃទី២៨ ខែសីហា ដោយកំណត់តំបន់ Ban Nong Chan ក្នុងខេត្តស្រះកែវ ជាប់កម្ពុជា ជាតំបន់ត្រួតពិនិត្យសន្តិសុខ។
ហ្វេសប៊ុករបស់ Khaosod English បានផ្សាយថា សេចក្តីប្រកាសច្បាប់អាជ្ញាសឹកនេះ បញ្ជាក់ថា បន្ទាប់ពីកម្ពុជា បាននាំមនុស្សទៅញុះញង់កុបកម្ម នៅក្នុងព្រះរាជាណាចក្រថៃ នៅតំបន់បានណងចាន់ ឃុំណនម៉ាក់មុន ស្រុកខក់ស៊ុង ខេត្តស្រះកែវ ការដាក់ពង្រាយយោធាបានក្លាយជាការចាំបាច់ និងមិនអាចជៀសផុត ។
កងកម្លាំងមានទាំងយោធា ប៉ូលីស ជនស៊ីវិល និងប្រជាពលរដ្ឋថៃទាំងអស់ ដើម្បីការពារប្រទេសពីការគំរាមកំហែងបែបនេះ និងការពារអធិបតេយ្យភាពជាតិ បូរណភាពទឹកដី និងអាយុជីវិត និងទ្រព្យសម្បត្តិរបស់ប្រជាជន។ វិធានការសន្តិសុខខាងក្រោមនឹងត្រូវបានអនុវត្ត៖
ប្រការ 1. កំណត់តំបន់បានណងចាន់ ឃុំណនម៉ាក់មួន ស្រុកខក់ស៊ុង ខេត្តស្រះកែវ ជាតំបន់គ្រប់គ្រងសន្តិសុខ។
ប្រការ 2. កំណត់ផ្លូវ Sri Pen ក្នុងតំបន់ Ban Nong Chan ឃុំ Non Mak Mun ស្រុក Khok Sung ខេត្តស្រះកែវ ជាខ្សែត្រួតពិនិត្យសន្តិសុខ។
ប្រការ 3. វិធានការចូលក្នុងតំបន់ត្រួតពិនិត្យសន្តិសុខមានដូចខាងក្រោម៖
៣.១ ហាមយកអាវុធគ្រប់ប្រភេទ ឬវត្ថុដូចអាវុធចូលក្នុងតំបន់
៣.២ ហាមបិទផ្លូវដែលប៉ះពាល់ដល់ប្រតិបត្តិការរបស់មន្ត្រី និងជីវភាពប្រចាំថ្ងៃ
៣.៣ ហាមមិនអោយថតរូបមូលដ្ឋានប្រតិបត្តិការយោធា
៣.៤ ហាមប្រាមពីការវាយតប់ ឈ្លោះប្រកែកគ្នា និងប្រើប្រាស់សារធាតុញៀន
៣.៥ ហាមមិនឱ្យនាំឧបករណ៍ពង្រីកសំឡេងចូលក្នុងតំបន់ដោយគ្មានការអនុញ្ញាត។
ប្រែសម្រួលៈ ណៃ តុលា
