សហរដ្ឋអាមេរិក កំពុងផ្ដល់ទិដ្ឋាការរយៈពេលខ្លី សម្រាប់និស្សិត អ្នកសារព័ត៌មាន
វ៉ាស៊ីនតោន៖ សំណើររបស់រដ្ឋាភិបាល មួយបានបង្ហាញកាលពីថ្ងៃពុធ ខណៈដែលលោកប្រធានាធិបតី ដូណាល់ ត្រាំ បង្កើនការពង្រឹងការអនុវត្តច្បាប់ អន្តោប្រវេសន៍នៅទូទាំងប្រទេស សហរដ្ឋអាមេរិក កំពុងផ្ដល់ទិដ្ឋាការរយៈពេលខ្លី សម្រាប់និស្សិត អ្នកសារព័ត៌មាន។
នាយកដ្ឋានសន្តិសុខមាតុភូមិបានឲ្យដឹងថា ខ្លួនកំពុងស្វែងរកការរឹតបន្តឹងច្បាប់ស្តីពីទិដ្ឋាការ F សម្រាប់និស្សិតអន្តរជាតិ ទិដ្ឋាការ J សម្រាប់ភ្ញៀវទេសចរ ដែលត្រូវបានអនុញ្ញាតឱ្យចូលរួមក្នុងកម្មវិធីផ្លាស់ប្តូរ និងទិដ្ឋាការ I សម្រាប់សមាជិកនៃប្រព័ន្ធផ្សព្វផ្សាយ។
នៅក្រោមគម្រោងនេះ អ្នកកាន់ទិដ្ឋាការសិស្ស និងផ្លាស់ប្តូរទិដ្ឋាការ នឹងត្រូវដាក់កម្រិតក្នុងការស្នាក់នៅរហូតដល់ ៤ ឆ្នាំ ខណៈដែលទិដ្ឋាការអ្នក សារព័ត៌មានមិនលើសពី ២៤០ ថ្ងៃ ដោយជនជាតិចិននៅក្នុងប្រភេទ ត្រូវបានកំណត់ត្រឹមតែ ៩០ ថ្ងៃនៅលើទឹកដីសហរដ្ឋអាមេរិកប៉ុណ្ណោះ។
នាយកដ្ឋានបានឲ្យដឹងថា សហរដ្ឋអាមេរិកបានអនុញ្ញាតឱ្យនិស្សិតបរទេស និងអ្នកកាន់ទិដ្ឋាការផ្សេងទៀតស្នាក់នៅក្នុងប្រទេសនេះយូរពេកហើយ ដោយអះអាងថាការអនុវត្តបែបនេះគឺ “បង្កហានិភ័យសុវត្ថិភាព ធ្វើឱ្យខាតបង់ប្រាក់ពន្ធរាប់មិនអស់ និងធ្វើឱ្យពលរដ្ឋអាមេរិកខូចខាត”។
ប្រភពបានឲ្យដឹង នៅក្នុងសេចក្តីថ្លែងការណ៍មួយថា “ច្បាប់ដែលបានស្នើឡើងថ្មីនេះនឹងបញ្ចប់ការរំលោភបំពានម្តង និងសម្រាប់ទាំងអស់ ដោយកំណត់រយៈពេល ដែលអ្នកកាន់ទិដ្ឋាការមួយចំនួន ត្រូវបានអនុញ្ញាតឱ្យស្នាក់នៅក្នុងសហរដ្ឋអាមេរិក ដោយបន្ធូរបន្ថយបន្ទុក លើរដ្ឋាភិបាលសហព័ន្ធក្នុង ការត្រួតពិនិត្យនិស្សិតបរទេសឱ្យបានត្រឹមត្រូវ និងប្រវត្តិរបស់ពួកគេ”។
អ្នកនាំពាក្យក្រសួងការបរទេសចិន លោក Guo Jiakun បានសម្តែងការប្រឆាំងរបស់ទីក្រុងប៉េកាំងចំពោះ “វិធានការរើសអើង” ដែលស្នើឡើងដោយទីក្រុងវ៉ាស៊ីនតោន ។ លោកបានប្រាប់សន្និសីទសារព័ត៌មាន នៅទីក្រុងប៉េកាំងនៅថ្ងៃព្រហស្បតិ៍នេះថា “ការលើកកម្ពស់ការផ្លាស់ប្តូរវប្បធម៌ និងប្រជាជនទៅប្រជាជនបម្រើផលប្រយោជន៍ រួមរបស់ប្រទេសទាំងពីរ” ។
នៅក្នុងខែចុងក្រោយនៃអាណត្តិដំបូងរបស់លោក ដូណាល់ ត្រាំ ក្នុងឆ្នាំ ២០២០ សហរដ្ឋអាមេរិកបានស្វែងរកការផ្លាស់ប្តូរស្រដៀងគ្នានេះ។ ប៉ុន្តែសំណើដំបូង ដែលបានជួបនឹងការប្រឆាំងខ្លាំង ពីថ្នាក់ឧត្តមសិក្សា និងស្ថាប័នជាច្រើនទៀត ត្រូវបានដកចេញនៅឆ្នាំ បន្ទាប់ដោយការគ្រប់គ្រង របស់លោកប្រធានាធិបតី ចូ បៃដិន៕
ប្រែសម្រួល ឈូក បូរ៉ា
