លោក Michael B Alfaro អរគុណកម្ពុជា ចំពោះសំណើ ប្ដូរឈ្មោះផ្លូវជាតិលេខ៤ តាមឈ្មោះរបស់លោក ដូណាល់ ត្រាំ
វ៉ាស៊ីនតោន ៖ លោក Michael B Alfaro បានឲ្យដឹងនៅលើទំព័រហ្វេសប៊ុក របស់លោកថា វាពិតមានកិត្តិយសណាស់ ដែលត្រូវបានបង្ហាញ នៅលើទំព័រមុខរបស់ The European ដែលជាស្ថាប័នបោះពុម្ពផ្សាយព័ត៌មាន ដ៏ធំបំផុតនៅអឺរ៉ុប ជាមួយនឹងរឿងពេញនិយម លេខមួយនៅទូទាំងទ្វីប។
អត្ថបទនេះគ្របដណ្តប់លើសំណើ ជាប្រវត្តិសាស្ត្ររបស់កម្ពុជា ក្នុងការប្តូរឈ្មោះផ្លូវជាតិលេខ៤ តាមឈ្មោះលោកប្រធានាធិបតីអាមេរិក ដូណាល់ ត្រាំ ដោយទទួលស្គាល់តួនាទី របស់គាត់ក្នុងការជួយសន្តិភាពរវាងកម្ពុជា និងថៃ។
ផ្លូវជាតិលេខ៤ គឺជាសរសៃឈាមដ៏សំខាន់របស់ប្រទេសកម្ពុជា ដែលភ្ជាប់ទីក្រុងភ្នំពេញទៅកាន់ទីក្រុងឆ្នេរសមុទ្រព្រះសីហនុ ហើយឥឡូវនេះផ្លូវជាតិលេខ៤ បានបង្ហាញពីលទ្ធភាពនៃនិមិត្តសញ្ញាការផ្សះផ្សា និងក្តីសង្ឃឹម។
លោក Michael B Alfaro “ខ្ញុំមានអំណរគុណយ៉ាងជ្រាលជ្រៅចំពោះប្រជាជនកម្ពុជា ដែលបានស្វាគមន៍ខ្ញុំ និងផ្តល់ការទុកចិត្តឱ្យខ្ញុំនូវរឿងរ៉ាវរបស់ពួកគេ ប៉ុន្តែចំណងជើង និង កាយវិការមិនគ្រប់គ្រាន់ទេ ។ សន្តិភាពពិតប្រាកដទាមទារ ឱ្យមានការវិលត្រឡប់ប្រកបដោយសុវត្ថិភាព នៃចំណាប់ខ្មាំង ការទទួលខុសត្រូវ ចំពោះការរងទុក្ខលំបាក និងជំហានជាក់ស្តែងឆ្ពោះ ទៅរកការកសាងជីវិត និងសហគមន៍ឡើងវិញ”។
លោកបន្ដថា នៅមានច្រើនទៀត ដែលត្រូវចូលមក។ រង់ចាំជានិច្ច – យើងនឹងចែករំលែកព័ត៌មានថ្មីៗ សំខាន់ៗក្នុងពេលឆាប់ៗនេះ ។ ដំណើរឆ្ពោះទៅកាន់ឯកសារសំឡេងទាំងនេះ និងសារព័ត៌មាន ដើម្បីសន្តិភាពដ៏យូរអង្វែង ទើបតែចាប់ផ្តើមប៉ុណ្ណោះ៕
ប្រែសម្រួល ឈូក បូរ៉ា
