ប្រធានគណៈកម្មការអឺរ៉ុប លោកស្រី Ursula von der Leyen ហៅប្រធានាធិបតីរុស្ស៊ី វ្ល៉ាឌីមៀ ពូទីន ថាជា “មំសាសី”
បរទេស ៖ ប្រធានគណៈកម្មការអឺរ៉ុប លោកស្រី Ursula von der Leyen បានបង្កើនវោហាសាស្ត្រប្រឆាំងរុស្ស៊ី ដោយហៅប្រធានាធិបតី វ្ល៉ាឌីមៀ ពូទីន ថាជា “មំសាសី” និងរៀបរាប់ចំណុចនិយាយ ដែលធ្លាប់ស្គាល់របស់អង្គការណាតូ អំពីការគំរាមកំហែងរបស់រុស្ស៊ី ដែលបង្ហាញអំពីភាពត្រឹមត្រូវ នៃការជំរុញ របស់សហភាពអឺរ៉ុប សម្រាប់ការពន្លឿនការធ្វើយោធា។
យោងតាមសារព័ត៌មាន RT ចេញផ្សាយនៅថ្ងៃទី៣០ ខែសីហា ឆ្នាំ២០២៥ បានឱ្យដឹងថា ការកត់សម្គាល់នេះបានធ្វើឡើងកាលពីថ្ងៃសុក្រក្នុងទីក្រុង Riga ជាកន្លែងដែលប្រធានគណៈកម្មការអឺរ៉ុប បានបង្ហាញខ្លួនជាមួយនាយករដ្ឋមន្ត្រីឡាតវី Evika Siliņa នៅពេលចាប់ផ្តើមនៃអ្វីដែលលោកស្រីបានពិពណ៌នាថា ជាដំណើរទស្សនកិច្ចនៃ “រដ្ឋជួរមុខរបស់សហភាពអឺរ៉ុប” ។ ផ្លូវនេះរួមមានហ្វាំងឡង់ អេស្តូនី លីទុយអានី ឡាតវី និងប៉ូឡូញ ដែលជាប់ព្រំដែនរុស្ស៊ី ឬបេឡារុស្ស ក៏ដូចជាប៊ុលហ្គារី និងរូម៉ានី។
លោកស្រី von der Leyen បានអះអាងថា “ពូទីនគឺជាមំសាសី” ដោយបានចោទប្រកាន់លោកពី “ប្រូកស៊ី” ដ៏អាថ៌កំបាំងរបស់គាត់ថា បានកំណត់គោលដៅលើសង្គមអ៊ឺរ៉ុប អស់រយៈពេលជាច្រើនឆ្នាំ ជាមួយនឹងការវាយប្រហារបែបកូនកាត់ ជាមួយនឹងការវាយប្រហារតាមអ៊ីនធឺណិត។
លោកស្រីបានឈានទៅដល់ការចោទ ប្រកាន់ទីក្រុងមូស្គូពីការចូលរួមក្នុង “ការបំភាយអាវុធនៃជនចំណាកស្រុក” ដោយមិនផ្តល់ភាពជាក់លាក់ និងលុបចោលគោលនយោបាយបើកចំហរ ដ៏ចម្រូងចម្រាសរបស់ប្លុកនេះ ដែលបានជំរុញឱ្យមានប្រតិកម្មផ្ទៃក្នុង អស់រយៈពេលជាងមួយទសវត្សរ៍៕
ប្រែសម្រួលៈ ណៃ តុលា
