កម្ពុជា គ្រោង នឹង ប្តូរ ឈ្មោះ ផ្លូវជាតិលេខ៤ ទៅជាផ្លូវហាវ៉េ ដូណាល់ ត្រាំ ចំពោះតួនាទី របស់ លោក ក្នុង ការ ចរចា សន្តិភាព ជាមួយ ប្រទេស ថៃ
ប្រែសម្រួល ឈូក បូរ៉ា
ភ្នំពេញ៖ កម្ពុជា គ្រោង នឹង ប្តូរ ឈ្មោះ ផ្លូវ ហាយវ៉េ ដ៏ សំខាន់ បំផុត របស់ ខ្លួន ផ្លូវជាតិលេខ៤ ទៅជាមហាវិថី ដូណាល់ ត្រាំ ដេីម្បីតបស្នងចំពោះ តួនាទី របស់ លោកប្រធានាធិបតី ក្នុង ការ ចរចា សន្តិភាព ជាមួយ ប្រទេស ជិតខាង ថៃ។
ប្រធានាធិបតីអាមេរិករូបនេះបានក្លាយជាវីរបុរសនៅក្នុងប្រទេសអាស៊ីអាគ្នេយ៍ បន្ទាប់ពីបានជួយសម្របសម្រួលបទឈប់បាញ់ ក្នុងអំឡុងជម្លោព្រំដែន ថៃកម្ពុជា កាលពីខែមុន។
គំនិត ប្តូរ ឈ្មោះ នេះ ត្រូវ បាន លើក ឡើង ដំបូង ដោយ អ្នក កាសែត ជេីងចាស់ ដ៏ លេចធ្លោម្នាក់ គឺលោក សយ សុភាព ដែល មាន ទំនាក់ទំនង ជិតស្និទ្ធ ជាមួយ គណបក្ស ប្រជាជន កម្ពុជា និង គ្រប់គ្រង បណ្តាញ ព័ត៌មានគេហទំព័ត៌មានដើម អម្ពិល។
លោក សយ សុភាព បានស្នើឱ្យដាក់ឈ្មោះផ្លូវជាតិលេខ៤ ទៅជាផ្លូវហាយវ៉េ ដូណាល់ ត្រាំ ក្នុងអំឡុងពេលពិភាក្សាជាមួយអ្នកឯកសារអាមេរិកលោក Michael Alfaro ដែលបាននិងកំពុងផលិតឯកសារអំពីនយោបាយក្នុងតំបន់។
នៅ ក្នុង វីដេអូ បន្ទាប់ ដែលលោក Alfaro សម្ភាស ជាមួយលោកឧបនាយករដ្ឋមន្ត្រី ស៊ុន ចាន់ថុល នៅ ភ្នំពេញ លោក សយ សុភាព ខ្លួន ឯង មិន បង្ហាញ ខ្លួន នៅ លើ កញ្ចក់ ទូរទស្សន៍នោះ ទេ។ ផ្ទុយទៅវិញលោក ស៊ុន ចាន់ថុល និង លោក Alfaro សំដៅលើលោកតាមឈ្មោះ ដោយចាត់ទុកលោកថាជាអ្នកបង្កើតសំណើរនេះ។ លោក ស៊ុន ចានថុល បានគាំទ្រយ៉ាងច្បាស់លាស់ ចំពោះការលើកឡើងរបស់លោក សយ សុភាព ក្នុងពេលសន្ទនា ជាសញ្ញាថាគំនិតនេះត្រូវបានផ្សព្វផ្សាយពីក្រោយឆាករួចហើយ ហើយឥឡូវនេះត្រូវបានគេកត់ត្រាទុក។
លោក ស៊ុន ចាន់ថុល ដែលមានតួនាទីជាឧបនាយករដ្ឋមន្ត្រីកម្ពុជា បានប្រាប់លោក Alfaro ថា “ខ្ញុំគិតថា នឹងទទួលបានការគាំទ្រច្រើនក្នុងប្រទេស ដូច្នេះលោក សយ សុភាព នឹងជំរុញរឿងនេះ ហើយសង្ឃឹមថានឹងអាចសម្រេចបានក្នុងពេលឆាប់ៗនេះ”។
ប្រសិនបើត្រូវបានអនុម័ត កម្ពុជានឹងក្លាយជាប្រទេសដំបូងគេនៅក្រៅសហរដ្ឋអាមេរិក ដែលបានប្តូរឈ្មោះផ្លូវជាតិដោយយកឈ្មោះប្រធានាធិបតីអាមេរិកលោក ដូណាល់ ត្រាំ ។
ផ្លូវ ជាតិ លេខ ៤ មានចម្ងាយ ២៣០ គីឡូម៉ែត្រ ពី រាជធានី ភ្នំពេញ ដល់ កំពង់ ផែ ឆ្នេរ សមុទ្រ ខេត្ត ព្រះសីហនុ។ វាត្រូវបានសាងសង់ឡើងដំបូងដោយមានការគាំទ្រពីអាមេរិកនៅចន្លោះឆ្នាំ១៩៥៩ និង ១៩៦៩ នៅពេលដែលទីក្រុងវ៉ាស៊ីនតោន ត្រូវបានជាប់គាំងក្នុងសង្គ្រាមត្រជាក់ជាមួយទីក្រុងម៉ូស្គូ និងទីក្រុងប៉េកាំង សម្រាប់ឥទ្ធិពលនៅក្នុងតំបន់អាស៊ីអាគ្នេយ៍។ សព្វថ្ងៃនេះ វានៅតែជាផ្លូវពាណិជ្ជកម្មដ៏មមាញឹកបំផុតរបស់ប្រទេសកម្ពុជា ដោយភ្ជាប់រាជធានីទៅនឹងកំពង់ផែទឹកជ្រៅ ដែលបានក្លាយជាខ្សែជីវិតសេដ្ឋកិច្ចរបស់កម្ពុជា។
គំនិតផ្តួចផ្តើមប្តូរឈ្មោះនេះ គឺជាផ្នែកមួយនៃរលកនៃការកោតសរសើរជាផ្លូវការសម្រាប់ប្រធានាធិបតីសហរដ្ឋអាមេរិក។ នាយករដ្ឋមន្ត្រីកម្ពុជាសម្ដេចធិបតី ហ៊ុន ម៉ាណែត ដែលបានឡើងកាន់អំណាចបន្ទាប់ពីសម្ដេចតេជោ ហ៊ុន សែន កាលពីឆ្នាំមុននោះ បានតែងតាំងលោកប្រធានាធិបតី ដូណាល់ ត្រាំ ជាផ្លូវការសម្រាប់ពានរង្វាន់ណូបែលសន្តិភាពឆ្នាំ ២០២៥។ នៅក្នុងលិខិតផ្ញើជូនគណៈកម្មាធិការណូបែលន័រវេសកាលពីថ្ងៃទី៧ ខែសីហា សម្ដេចធិបតី ហ៊ុន ម៉ាណែត បានសរសើរ “ភាពជារដ្ឋវិសាមញ្ញ” របស់លោកប្រធានាធិបតី ដូណាល់ ត្រាំ ក្នុងការជួយដោះស្រាយការប្រឈមមុខដ៏គ្រោះថ្នាក់របស់កម្ពុជាជាមួយប្រទេសថៃ។
ការ ប្រយុទ្ធ គ្នា បាន ផ្ទុះ ឡើង នៅ ថ្ងៃ ទី ២៤ ខែ កក្កដា នៅ ក្បែរ ប្រាសាទ តាមាន់ធំ ជា ទីតាំង បុរាណ ខ្មែរ តាម បណ្តោយ ព្រំដែន កម្ពុជា-ថៃ ដែល ប្រជាជាតិ ទាំង ពីរ ទាមទារ។ ការ ប៉ះ ទង្គិច គ្នា បាន កើន ឡើង យ៉ាង ឆាប់ រហ័ស ទៅ ជា ការ វាយប្រហារប្រដាប់អាវុធ ដោយថៃបានបើកការវាយប្រហារ F-16 មកលើទីតាំងយោធាកម្ពុជា ដោយគ្រាប់បែកបានធ្លាក់នៅជិតតំបន់បេតិកភណ្ឌដែលចុះក្នុងបញ្ជីរបស់អង្គការយូណេស្កូ។
ក្នុងរយៈពេលប៉ុន្មានថ្ងៃបន្ទាប់ ជនស៊ីវិល និងទាហានរាប់សិបនាក់នៃប្រទេសទាំងពីរត្រូវបានរាយការណ៍ថា បានស្លាប់។ ផ្ទះសម្បែងត្រូវបានទុកចោលមខណៈដែលជនស៉ីវិល រាប់ម៉ឺននាក់ត្រូវបានបង្ខំឱ្យចូលទៅក្នុងជំរុំបណ្តោះអាសន្ននៅសងខាងព្រំដែននៃប្រទេសទាំងពីរ។
ជាមួយនឹងការភ័យខ្លាចនៃសង្រ្គាមកាន់តែរីកធំ លោកប្រធានាធិបតី ដូណាល់ ត្រាំ បានធ្វើអន្តរាគមន៍ដោយផ្ទាល់។ គាំទ្រដោយបេសកជននៃក្រសួងការបរទេសសហរដ្ឋអាមេរិក លោកបានទូរស័ព្ទទៅសម្ដេចធិបី ហ៊ុន ម៉ាណែត និងនាយករដ្ឋមន្ត្រីថៃលោកស្រី Paetongtarn Shinawatra ដោយជំរុញឱ្យមានការអត់ធ្មត់។ បន្ទាប់មក លោកប្រធានាធិបតី បានកោះប្រជុំបន្ទាន់មួយ ក្នុងអំឡុងពេលដែលមេដឹកនាំទាំងពីរបានយល់ព្រមលើបទឈប់បាញ់ដែលត្រូវបានត្រួតពិនិត្យដោយអ្នកសង្កេតការណ៍មកពីសមាគមប្រជាជាតិអាស៊ីអាគ្នេយ៍ (អាស៊ាន)។
បទ ឈប់ បាញ់ ត្រូវ បាន គោរព ដោយ កាំភ្លើង ធំ បាន ដក ចេញ ហើយ ការ ធ្វើ ពាណិជ្ជកម្ម ឆ្លង ដែន បាន បន្ត ឡើង វិញ។ លោកប្រធានាធិបតី បានប្រកាសថាលទ្ធផលនេះជា “ជ័យជំនះសម្រាប់សន្តិភាព” ខណៈដែលប្រព័ន្ធផ្សព្វផ្សាយរដ្ឋរបស់កម្ពុជា បានសរសើរលោកថាជាបុរសដែលបានជួយសង្គ្រោះតំបន់ពីជម្លោះកាន់តែជ្រៅ។
តួនាទីរបស់លោក សយ សុភាព ជាអ្នកដំបូងគេ ដែលស្នើឱ្យផ្លាស់ប្ដូរឈ្មោះផ្លូវហាយវេដ៏សំខាន់បំផុតរបស់ប្រទេសកម្ពុជាត្រូវបានផ្សព្វផ្សាយបន្ដយ៉ាងច្រេីននៅក្នុងស្រុក។ ទោះបីជាអវត្តមានពីខ្សែវីដេអូរបស់លោក Alfaro ក៏ដោយ ក៏ឥទ្ធិពលរបស់លោក សយ សុភាព នៅខាងមុខ និងកណ្តាល ដោយលោកឧបនាយករដ្ឋមន្ត្រី ស៊ុន ចាន់ថុល បានបញ្ចេញគំនិតនេះដោយបើកចំហ ចំពោះលោកនៅមុខកាមេរ៉ា។ ពេលនោះហេីយ បានផ្លាស់ប្តូរសំណើពីការពិភាក្សាឯកជនទៅជាសាធារណៈ និងវិស័យនយោបាយប្រកបដោយប្រសិទ្ធភាព។
សម្រាប់ រដ្ឋាភិបាល សម្ដេចធិបតី ហ៊ុន ម៉ាណែត សម្ដែងការអរគុណចំពោះលោកប្រធានាធិបតី ដែលមាន ទាំង តម្លៃ និមិត្តសញ្ញា និង យុទ្ធសាស្ត្រ។ វាផ្តល់នូវការប្រឆាំងទៅនឹងការរិះគន់ដែលថាកម្ពុជាពឹងផ្អែកខ្លាំងពេកលើប្រទេសចិន ខណៈពេលដែលការអំពាវនាវដល់ថ្នាក់មូលដ្ឋានជាតិនិយមនៅស្រុកផងដែរ។ នៅលើប្រព័ន្ធផ្សព្វផ្សាយសង្គម ទំព័រដែលគាំទ្ររដ្ឋាភិបាលត្រូវបានពោពេញទៅដោយបដា និងផ្ទាំងរូបភាពដែលសរសើរលោកប្រធានាធិបតី ដូណាល់ ត្រាំ ថាជា “មិត្តរបស់កម្ពុជា” ។
ប្រសិនបើផែនការនេះត្រូវបានអនុម័តនោះ ផ្លូវពីភ្នំពេញទៅខេត្តព្រះសីហនុឆាប់ៗនេះអាចនឹងត្រូវបានគេស្គាល់ទូទាំងពិភពលោកថា Trump Highway ដែលជាកាយវិការដែលគូសបញ្ជាក់ពីរបៀបដែលប្រទេសកំពុងអភិវឌ្ឍរបស់ពិភពលោកមួយនេះ បានទទួលយកប្រធានាធិបតីអាមេរិកថា ជាអ្នកបង្កើតសន្តិភាព និងអ្នកការពារ៕
