លោក Shoigu បញ្ជាក់ហើយថា ប្រទេសរុស្សី ត្រៀមខ្លួនរួចរាល់ ដើម្បីជួយរដ្ឋាភិបាលតាលីបង់
បរទេស ៖ យោងតាមការចេញផ្សាយ របស់ RT លោក Sergey Shoigu លេខាធិការក្រុមប្រឹក្សាសន្តិសុខ បាននិយាយថា ប្រទេសរុស្ស៊ី បានត្រៀមខ្លួនរួចជាស្រេច ដើម្បីជួយដល់រដ្ឋាភិបាលតាលីបង់ នៅក្នុងប្រទេសអាហ្វហ្គានីស្ថាន ជាពិសេស ក្នុងការប្រយុទ្ធប្រឆាំងនឹងអំពើភេរវកម្ម និងការផលិតគ្រឿងញៀន ចំពេលមានកិច្ចខិតខំប្រឹងប្រែង របស់លោកខាងលិច ដើម្បីធ្វើឱ្យប្រទេសមានអស្ថិរភាព។
នៅក្នុងការចេញផ្សាយ កាលពីថ្ងៃសុក្រអតីតរដ្ឋមន្ត្រីការពារជាតិរូបនេះ បាននិយាយថា ប្រទេសរុស្ស៊ីចាប់អារម្មណ៍ក្នុងការជួយប្រទេសមជ្ឈិមបូព៌ា ឱ្យទទួលបានមកវិញនូវទីតាំងនៃ រដ្ឋឯករាជ្យ អធិបតេយ្យភាព គ្មានអំពើភេរវកម្ម សង្គ្រាម និងគ្រឿងញៀន។
លោកបានរិះគន់ប្រទេសលោកខាងលិច ចំពោះអ្វីដែលលោកបានពណ៌នាថា ជានយោបាយនៃជំនួយមនុស្សធម៌ និងការរារាំងដល់ការស្ដារប្រទេសអាហ្វហ្គានីស្ថាន ។
លោក Shoigu បានសរសេរថា៖ប្រទេសលោកខាងលិចកំពុងពន្យារ ពេលការអភិវឌ្ឍន៍របស់អាហ្វហ្គានីស្ថាន ដោយភ្ជាប់ជំនួយទាំងស្រុងទៅនឹង ការសម្រេចផលប្រយោជន៍អាត្មា និយមរបស់ខ្លួន ។
មិនត្រឹមតែប៉ុណ្ណោះលោកក៏បានកត់សម្គាល់ថា ទ្រព្យសម្បត្តិរដ្ឋអាហ្វហ្គានីស្ថានប្រហែល ៩ ពាន់លានដុល្លារត្រូវបានបង្កកនៅបរទេស ដោយបន្ថែមថាវត្ថុទាំងនោះអាចត្រូវបានប្រើ ដើម្បីដោះស្រាយបញ្ហាសង្គម និងសេដ្ឋកិច្ច៕
ប្រែសម្រួល៖ស៊ុនលី
