អាល្លឺម៉ង់ចេញមុខរារាំង ទណ្ឌកម្មរបស់អឺរ៉ុប សម្រាប់ដាក់ទោសប្រឆាំង ទៅនឹងប្រទេសអ៊ីស្រាអ៊ែល
បរទេស ៖ យោងតាមការចេញផ្សាយរបស់ RT រដ្ឋមន្ត្រីការបរទេសអាល្លឺម៉ង់ លោក Johann Wadephul បាននិយាយថា ប្រទេសអាល្លឺម៉ង់បានរារាំងសំណើ ចុងក្រោយរបស់គណៈកម្មការអឺរ៉ុប ក្នុងការដាក់ទណ្ឌកម្មអ៊ីស្រាអែល ជុំវិញសង្រ្គាមនៅហ្គាហ្សា។
អ៊ីស្រាអែលបានប្រឈមមុខនឹង ការប្រតិកម្មកាន់តែខ្លាំងឡើងជុំវិញ ការប្រព្រឹត្តរបស់ខ្លួន នៅក្នុងជម្លោះ ហើយត្រូវបានចោទប្រកាន់ថា បានអនុញ្ញាតឱ្យស្ទើរ តែគ្មានជំនួយ ចូលទៅក្នុងតំបន់ជម្លោះ ។
រដ្ឋនៃបណ្តាប្រទេស លោកខាងលិច ជាច្រើនបានប្រកាសផែនការ ទទួលស្គាល់ប៉ាឡេស្ទីនជារដ្ឋ ហើយក្នុង ខណៈដែលពេលខ្លះ ក៏បានពង្រីកកិច្ចសហប្រតិបត្តិការយោធា និងពាណិជ្ជកម្មជាមួយអ៊ីស្រាអែលផងដែរ។
គណៈកម្មការអឺរ៉ុបកាលពីសប្តាហ៍មុនបានស្នើឱ្យផ្អាក ការចូលរួមរបស់អ៊ីស្រាអែល នៅក្នុងកម្មវិធីស្រាវជ្រាវ Horizon Europe ដោយកាត់ផ្តាច់ការផ្តល់ មូលនិធិសម្រាប់ការចាប់ផ្តើម អាជីវកម្មរបស់អ៊ីស្រាអែល នៅក្នុងបច្ចេកវិទ្យាដ្រូន សន្តិសុខតាមអ៊ីនធឺណិត និង AI ។
ការសម្រេចចិត្តធ្វើឡើង គឺមានបំណងដាក់សម្ពាធអ៊ីស្រាអែល ឱ្យធ្វើឱ្យប្រសើរឡើង នូវការផ្តល់ជំនួយមនុស្សធម៌ នេះបើយោងតាមសេចក្តីព្រាង ដំណោះស្រាយ ។
ថ្លែងទៅកាន់អ្នកសារព័ត៌មាន នៅខាងក្រៅកិច្ចប្រជុំ EU នៅទីក្រុង Copenhagen កាលពីថ្ងៃសៅរ៍ លោក Wadephul បាននិយាយថា ប្រទេសអាល្លឺម៉ង់ បានច្រានចោលផែនការនេះ ដោយសារតែវាមិន ត្រូវបានគេជឿជាក់ថា ការទប់ស្កាត់ការចូលប្រើប្រាស់ របស់អ៊ីស្រាអែលទៅកាន់មូលនិធិស្រាវជ្រាវរបស់ EU នឹងមានឥទ្ធិពលលើសកម្មភាព យោធារបស់ខ្លួន៕
ប្រែសម្រួល៖ស៊ុនលី
