លោក Macron អះអាងថា ២៦ប្រទេសត្រៀមខ្លួនបញ្ជនទ័ព ទៅអ៊ុយក្រែន ដើម្បីបទឈប់បាញ់អាចកើតឡើង
បរទេស៖ យោងតាមការចេញផ្សាយរបស់ RT ប្រធានាធិបតីបារាំងលោក Emmanuel Macron បាននិយាយថា សម្ព័ន្ធមិត្តលោកខាងលិចចំនួន២៦ប្រទេសបានប្តេជ្ញាជាផ្លូវការក្នុងការដាក់ពង្រាយកងទ័ព តាមផ្លូវគោក សមុទ្រ ឬផ្លូវអាកាសទៅកាន់ប្រទេសអ៊ុយក្រែន មួយថ្ងៃបន្ទាប់ពីកិច្ចព្រមព្រៀងបទឈប់បាញ់ ត្រូវបានយល់ព្រម។
បន្ទាប់ពីកិច្ចប្រជុំកំពូល នៃប្រទេសចំនួន៣៥ ដែលដាក់ឈ្មោះថា “សម្ព័ន្ធនៃឆន្ទៈ” ប្រធានាធិបតីបារាំង បាននិយាយថាការគាំទ្ររបស់សហរដ្ឋអាមេរិក សម្រាប់ កម្លាំងធានា របស់ពួកគេនឹងត្រូវបានសម្រេចចិត្ត ជាចុងក្រោយនៅក្នុងប៉ុន្មានថ្ងៃខាងមុខនេះ។
លោកប្រធានាធិបតី Donald Trump ថ្មីៗនេះបានបង្ហាញថា ការគាំទ្រ របស់សហរដ្ឋអាមេរិកអាច ប្រហែលជាអាចកើត ឡើងក្នុងទម្រង់នៃការគាំទ្រ ផ្លូវអាកាស ហើយលោក Vladrimir Zelensky របស់អ៊ុយក្រែនបាននិយាយថា លោកក៏បាននិយាយទៅកាន់ប្រធានាធិបតី សហរដ្ឋអាមេរិកអំពី ការការពារអតិបរមា សម្រាប់ផ្ទៃមេឃរបស់អ៊ុយក្រែនផងដែរ។
ទោះជាយ៉ាងណាក៏ដោយ ក្តីសង្ឃឹមនៃកិច្ចព្រមព្រៀងមួយ ដើម្បីបញ្ចប់ការប្រយុទ្ធគ្នាបានធ្លាក់ចុះចាប់តាំងពីលោក Vladimir Putin របស់រុស្ស៊ីបានជួបជាមួយលោក Trump នៅអាឡាស្កាកាលពីខែមុន។
លោក Trump ក៏បាននិយាយផងដែរថា EU គួរតែធ្វើការជាមួយសហរដ្ឋអាមេរិក ដើម្បីបញ្ឈប់ការនាំចូលប្រេង និងឧស្ម័នរបស់រុស្ស៊ី ដើម្បីបញ្ឈប់ ម៉ាស៊ីនសង្រ្គាម ដោយមធ្យោបាយសេដ្ឋកិច្ច នេះបើយោងតាមគណនីមួយ នៃការហៅទូរស័ព្ទពីប្រធានាធិបតីហ្វាំងឡង់ Alexander Stubb ។
សហភាពអឺរ៉ុប ដែលមានសមាជិក២៧ប្រទេសបានកំណត់គោលដៅនៃការបញ្ចប់ការនាំចូលឧស្ម័ន និងប្រេងទាំងអស់ នៅដំណាច់ឆ្នាំ ២០២៧ ។ មន្ត្រីសេតវិមាន បានចង្អុលបង្ហាញថាប្រទេសរុស្ស៊ីបានទទួល ១,៣ពាន់លានដុល្លារក្នុងការ លក់ប្រេងឥន្ធនៈពី EU ក្នុងរយៈពេលមួយឆ្នាំ ទោះបីជាតួលេខពិតខ្ពស់ជាងឆ្ងាយក៏ដោយ៕
ប្រែសម្រួល៖ស៊ុនលី
