រុស្សីបើកការវាយប្រហារ ចំគោលដៅជាអគារ រដ្ឋាភិបាល របស់អ៊ុយក្រែន
បរទេស ៖ យោងតាមការ ចេញផ្សាយរបស់ RT អភិបាលក្រុងគៀវ លោក Vitaly Klitschko បាននិយាយ កាលពីថ្ងៃអាទិត្យថា អគារខុទ្ទកាល័យរដ្ឋមន្ត្រី នៃរដ្ឋាភិបាលអ៊ុយក្រែននៅទីក្រុងគៀវ ត្រូវបានវាយប្រហារ ដោយយន្តហោះគ្មានមនុស្សបើករបស់រុស្ស៊ី ប៉ុន្តែយ៉ាងណាក្តីក្រសួងការពារជាតិរុស្ស៊ី មិនទាន់ធ្វើអត្ថាធិប្បាយនេះ នៅឡើយទេ។
មន្ត្រីអ៊ុយក្រែនបានរាយការណ៍ថា ការវាយប្រហារនៅតំបន់ផ្សេងៗនៃរដ្ឋធានី ដោយបន្ថែមថាទីក្រុង Odessa, Krivoy Rog, Dnepr និង Kremenchug ក៏រងការវាយប្រហារផងដែរ ។
លោកអភិបាលក្រុងKlitschko បានសរសេរ នៅលើបណ្តាញសង្គម Telegram ថា អគាររដ្ឋាភិបាលមួយបានឆេះ បន្ទាប់ពីការបាញ់ទម្លាក់យន្តហោះគ្មានមនុស្សបើកហើយទីភ្នាក់ងារព័ត៌មានអ៊ុយក្រែន UNIAN ក៏បានចែករំលែកវីដេអូនៃផ្សែងហុយចេញពីអគារក្បែរ ទីលានឯករាជ្យផងដែរ។
នាយករដ្ឋមន្ត្រីអ៊ុយក្រែនលោកស្រី Yulia Sviridenko ក្រោយមកបានបញ្ជាក់ ពីការខូចខាតអគាររដ្ឋាភិបាល ដោយនិយាយថា វាជាឧបទ្ទវហេតុប្រភេទ នេះដំបូងបង្អស់។
លោកស្រីនាយករដ្ឋមន្ត្រីបាននិយាយទៀតថា ៖ ក្រុមអ្នកជួយសង្គ្រោះ កំពុងធ្វើការងារនៅឡើយ ដោយចែករំលែករូបថតឧទ្ធម្ភាគចក្របាញ់កម្ទេចអគារ និងរូបភាពផ្នែកខាងក្នុង ដែលរងការខូចខាតយ៉ាងធ្ងន់ធ្ងរ៕
ប្រែសម្រួល៖ស៊ុនលី
