យោធាប៉ូឡូញ បាញ់ទម្លាក់យន្តហោះគ្មាន មនុស្សបើករបស់រុស្ស៊ី និងកំពុងទាក់ទង ជាប់ជាប្រចាំជាមួយ បញ្ជាការរបស់អង្គការណាតូ
បរទេស៖ យោធាប៉ូឡូញនិយាយថា ខ្លួនបានព្យាយាមការពារដែនអាកាសរបស់ខ្លួន និងសម្ព័ន្ធមិត្តណាតូ ដើម្បីបាញ់ទម្លាក់យន្តហោះ គ្មានមនុស្សបើករបស់រុស្ស៊ី បន្ទាប់ពីពួកគេបានយន្តហោះ គ្មានមនុស្សបើកទាំង នោះបានឆ្លងកាត់ពីប្រទេសជិតខាងគឺអ៊ុយក្រែន ដែលជាលើកទីមួយ នៅក្នុងសង្គ្រាមអ៊ុយក្រែន ដែលប៉ូឡូញបានភ្ជាប់ទ្រព្យសម្បត្តិរុស្ស៊ី នៅក្នុងដែនអាកាសរបស់ខ្លួន។
យោងតាមសារព័ត៌មាន The Sydney Morning Herald ចេញផ្សាយនៅថ្ងៃទី១០ ខែកញ្ញា ឆ្នាំ២០២៥ បានឱ្យដឹងថា យោធារបស់ប្រទេសប៉ូឡូញ ដែលជាសមាជិកណាតូ បាននិយាយនៅក្នុងសេចក្តីថ្លែងការណ៍មួយថា “ក្នុងអំឡុងពេលនៃ ការវាយប្រហារថ្ងៃនេះ ដោយសហព័ន្ធរុស្ស៊ី សំដៅលើវត្ថុនានា នៅលើទឹកដីនៃអ៊ុយក្រែន ដែនអាកាសរបស់យើងត្រូវ បានរំលោភបំពានម្តងហើយម្តងទៀតដោយវត្ថុប្រភេទដ្រូន ឬ យន្តហោះគ្មានមនុស្សបើក” ។
ប៉ូឡូញបាននិយាយថា ប្រតិបត្តិការយោធាកំពុងបន្ត ហើយបានជំរុញឱ្យប្រជាជនស្ថិតនៅក្នុងផ្ទះ ដោយដាក់តំបន់ Podlaskie, Mazowieckie និង Lublin ថា ជាតំបន់ ដែលមានហានិភ័យបំផុត។
រដ្ឋមន្ត្រីការពារជាតិប៉ូឡូញ លោក Wladyslaw Kosiniak-Kamysz បានសរសេរនៅលើ X. ថា “យើងកំពុងទាក់ទងគ្នា ជានិច្ចជាមួយបញ្ជាការ របស់អង្គការណាតូ”៕
ប្រែសម្រួលៈ ណៃ តុលា
