FBI បញ្ចេញរូបថត របស់បុគ្គលដែលចាប់អារម្មណ៍ ក្នុងការបាញ់សម្លាប់ លោក Charlie Kirk និងផ្តល់រង្វាន់រហូតដល់ 100,000 ដុល្លារសម្រាប់ព័ត៌មាន ឈានដល់ការចាប់ខ្លួន
បរទេស៖ FBI បានបញ្ចេញរូបថត របស់បុគ្គល ដែលចាប់អារម្មណ៍ក្នុង ការបាញ់សម្លាប់ លោក Charlie Kirk ខណៈដែលអ្នកស៊ើបអង្កេត កំពុងអំពាវនាវ ដល់សាធារណជន សម្រាប់ព័ត៌មានជាជំនួយ ក្នុងការកំណត់អត្តសញ្ញាណ បុគ្គលដែលចាប់អារម្មណ៍ និងផ្តល់រង្វាន់ រហូតដល់ 100,000 ដុល្លារសម្រាប់ព័ត៌មាន ដែលនាំទៅដល់ការ កំណត់អត្តសញ្ញាណ និងការចាប់ខ្លួន។
យោងតាមសារព័ត៌មាន AP ចេញផ្សាយនៅថ្ងៃទី១២ ខែកញ្ញា ឆ្នាំ២០២៥ បានឱ្យដឹងថា សមត្ថកិច្ចបាននិយាយកាលពីថ្ងៃព្រហស្បតិ៍ថា ជនសង្ស័យបានលោតពីលើដំបូលហើយរត់ចូលសង្កាត់មួយបន្ទាប់ពីបាញ់មួយគ្រាប់ ហើយក៏មិនទាន់ត្រូវបានគេស្គាល់អត្តសញ្ញាណនៅឡើយនោះដែរ ។ កាលពីមុន ពួកគេបានប្រកាសថា ពួកគេបានរកឃើញ កាំភ្លើងដែលមានថាមពលខ្ពស់ ដែលអាចត្រូវបានគេប្រើប្រាស់ ក្នុងការវាយប្រហារដ៏សាហាវនេះ។
កាលៈទេសៈនៃការបាញ់ប្រហារ បានទាក់ទាញការយកចិត្តទុកដាក់ជាថ្មី ចំពោះការគំរាមកំហែង កាន់តែខ្លាំងឡើង នៃអំពើហឹង្សានយោបាយ នៅក្នុងសហរដ្ឋអាមេរិក ដែលក្នុងរយៈពេលប៉ុន្មាន ឆ្នាំចុងក្រោយនេះ បានកាត់បន្ថយនូវវិសាល គមមនោគមវិជ្ជា។ ការធ្វើឃាតនេះបានទាក់ទាញ ការថ្កោលទោសទាក់ទងនឹងនយោបាយ ប៉ុន្តែការគិតគូរថ្នាក់ជាតិ លើមធ្យោបាយដើម្បីការពារផ្នែក នយោបាយពីការលេចចេញ ជាអំពើហឹង្សាដ៏សាហាវ ហាក់ដូចជាពិបាកយល់។
ប្រែសម្រួលៈ ណៃ តុលា
