អ៊ីស្រាអែល វាយប្រហារ លើគោលដៅជាង ១៤០ នៅទូទាំងតំបន់ហ្គាហ្សា
យេរ៉ូសាឡឹម៖ កងកម្លាំងការពារអ៊ីស្រាអែល (IDF) បានឧ្យដឹងនៅក្នុងសេចក្តីថ្លែងការណ៍ មួយកាលពីថ្ងៃចន្ទថា កងកម្លាំងអាកាសរបស់ខ្លួន បានវាយប្រហារលើគោលដៅជាង ១៤០ នៅទូទាំងតំបន់ហ្គាហ្សាស្ទ្រីបក្នុងរយៈពេល ២៤ម៉ោងកន្លងមកនេះ។
IDF បានអះអាងថា ទាំងនេះគឺជាគោលដៅ “ភេរវកម្ម” ដែលរួមមានកោសិកាសកម្មប្រយុទ្ធ អគារយោធា ទីតាំងប្រឆាំងរថក្រោះ និងហេដ្ឋារចនាសម្ព័ន្ធផ្សេងទៀត។
ទីភ្នាក់ងារសារព័ត៌មានផ្លូវការរបស់ប៉ាឡេស្ទីន WAFA បានរាយការណ៍ថា មនុស្ស ៥០នាក់ត្រូវបានសម្លាប់ និង ១៨៤នាក់ផ្សេងទៀត បានរងរបួសនៅក្នុងតំបន់ហ្គាហ្សាស្ទ្រីបក្នុងអំឡុងពេលប៉ុន្មានថ្ងៃកន្លងមក ដែលជាលទ្ធផល នៃការវាយប្រហាររបស់អ៊ីស្រាអែល។
យោងតាម IDF កងកម្លាំងពាសដែក របស់ខ្លួនបានសម្លាប់ពួកសកម្មប្រយុទ្ធ រុះរើគ្រឿងផ្ទុះ និងបំផ្លាញអគារនានាក្នុង ទីក្រុងហ្គាហ្សា នេះបេីយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
នៅតំបន់ហ្គាហ្សាភាគ ខាងជើង កងកម្លាំងថ្មើរជើងរបស់ IDF បានវាយលុកទីតាំង សង្កេតការណ៍ ខណៈដែលកងទ័ព ជើងទឹកបានបំផ្លាញ ឃ្លាំងអាវុធ និងអគារ របស់ក្រុមហាម៉ាស។ IDF បានបន្ថែមថា កងកម្លាំងរបស់ខ្លួន ក៏បានសម្លាប់ពួកសកម្ម ប្រយុទ្ធនៅភាគខាងត្បូង នៃស្ទ្រីបផងដែរ៕
ប្រែសម្រួល ឈូក បូរ៉ា
