សេដ្ឋកិច្ចថៃធ្លាក់ ចុះក្នុងខែសីហា ដោយសារការ ធ្លាក់ចុះផលិតកម្ម
បាងកក៖ ធនាគារកណ្តាលថៃ បានឲ្យដឹងថា សេដ្ឋកិច្ចរបស់ប្រទេសថៃ បានធ្លាក់ចុះក្នុងខែសីហា ដោយសារទិន្នផលកសិកម្ម និងឧស្សាហ៍កម្មចុះខ្សោយបានថ្លឹងថ្លែងលើពាណិជ្ជកម្ម និងសេវាកម្មដឹកជញ្ជូនទំនិញ។ យោងតាមធនាគារកណ្តាលថៃ ផលិតកម្មផលិតកម្មបាន បន្តធ្លាក់ចុះ ជាពិសេសនៅក្នុងវិស័យរថយន្ត និងម្ហូបអាហារ និងភេសជ្ជៈ ដែលឆ្លុះបញ្ចាំងពីតម្រូវការ ធ្លាក់ចុះ កម្រិតសារពើភ័ណ្ឌកើនឡើង និងការបិទរោងចក្រ បណ្តោះអាសន្នសម្រាប់ការថែទាំ និងផ្លាស់ប្តូរទីតាំង។
ធនាគារកណ្តាលថៃបានឲ្យដឹងនៅ ក្នុងសេចក្តីថ្លែងការណ៍មួយថា ការប្រើប្រាស់ឯកជន ការវិនិយោគ និងការនាំចេញទំនិញ នៅតែមានស្ថិរភាព ទោះបីជាការនាំចេញអេឡិចត្រូនិកបានធ្លាក់ ចុះបន្ទាប់ពីជួបប្រទះនឹង កំណើនដ៏រឹងមាំនៅក្នុងខែមុនក៏ដោយ។ ជំនួយការទេសាភិបាលធនាគារកណ្តាលលោក Chayawadee Chai-Anant បានឲ្យដឹងថា វិស័យទេសចរណ៍មានភាពប្រសើរឡើង ដោយជំរុញដោយប្រាក់ចំណូល កាន់តែខ្ពស់ពីភ្ញៀវទេសចរក្នុងស្រុក និងបរទេស។
លោក Chayawadee បានប្រាប់សន្និសីទ សារព័ត៌មានមួយថា ការចំណាយ របស់រដ្ឋាភិបាល បានធ្លាក់ចុះបន្តិច បើធៀបនឹងឆ្នាំមុន ដោយសារការចំណាយដើមទុនទាបដោយរដ្ឋាភិបាលកណ្តាល និងសហគ្រាសរដ្ឋ។ សម្លឹងមើលទៅមុខ ប្រទេសអាស៊ីអាគ្នេយ៍មួយនេះ ត្រូវបានគេរំពឹងថា នឹងប្រឈមមុខនឹងការធ្លាក់ចុះ នៃការនាំចេញ ជាមួយនឹងផលប៉ះពាល់ នៃវិធានការពន្ធរបស់សហរដ្ឋអាមេរិក ដែលបន្ថែមសម្ពាធ លើផលិតកម្មឧស្សាហកម្ម៕
ប្រែសម្រួល ឈូក បូរ៉ា
