មន្ត្រីការទូតអាមេរិកម្នាក់ ត្រូវបានបណ្តេញ ចេញពីតំណែង ដោយសារតែមានទំនាក់ទំនងស្នេហា ជាមួយនារីជនជាតិចិន ដែលគេអះអាងថា មានទំនាក់ទំនង ជាមួយបក្សកុម្មុយនិស្តចិន
បរទេស ៖ ក្រសួងការបរទេសអាមេរិក បានឱ្យដឹងថា កាលពីថ្ងៃពុធថា ខ្លួនបានបណ្តេញអ្នកការទូតអាមេរិកម្នាក់ ដោយសារតែមានទំនាក់ទំនងស្នេហា ដែលគាត់បានសារភាពថា មានជាមួយនារីជនជាតិចិនម្នាក់ ដែលត្រូវបានចោទប្រកាន់ថា មានទំនាក់ទំនង នឹងបក្សកុម្មុយនិស្តចិន។
យោងតាមសារព័ត៌មាន AP ចេញផ្សាយកាលពីថ្ងៃទី៧ ខែតុលា ឆ្នាំ២០២៥ បានឱ្យដឹងថា ការបណ្តេញនេះ ត្រូវបានគេជឿថា ជាប្រភេទដំបូងសម្រាប់ការបំពានបំរាម នៃទំនាក់ទំនងបែបនេះ ដែលត្រូវបានណែនាំកាលពីចុងឆ្នាំមុន ក្រោមការគ្រប់គ្រងរបស់លោក Biden។
សារព័ត៌មាន Associated Press បានរាយការណ៍ កាលពីដើមឆ្នាំនេះថា នៅក្នុងថ្ងៃជិតបញ្ចប់ នៃអាណត្តិប្រធានាធិបតី របស់គណបក្សប្រជាធិបតេយ្យ គឺលោក Joe Biden, ក្រសួងការបរទេសអាមេរិក បានដាក់បំរាមលើបុគ្គលិករដ្ឋាភិបាលអាមេរិក ទាំងអស់ ដែលនៅក្នុងប្រទេសចិន ក៏ដូចជាសមាជិកគ្រួសារ និងអ្នកម៉ៅការជាមួយនឹងសន្តិសុខ ពីការមានទំនាក់ទំនងស្នេហា ឬផ្លូវភេទណាមួយជាមួយពលរដ្ឋចិន ។
លោក Tommy Pigott អ្នកនាំពាក្យក្រសួងការបរទេស បាននិយាយ នៅក្នុងសេចក្តីថ្លែងការណ៍មួយថា អ្នកការទូតដែលកំពុងសាកសួរត្រូវ បានបណ្តេញចេញពីសេវាកម្ម បរទេស បន្ទាប់ពីប្រធានាធិបតី Donald Trump និងរដ្ឋមន្រ្តីការបរទេសលោក Marco Rubio បានពិនិត្យករណីនេះ ហើយបានកំណត់ថា មន្រ្តីអាមេរិករូបនោះបានសារភាពថា បានលាក់បាំងទំនាក់ទំនងស្នេហា ជាមួយជនជាតិចិនដែលមានទំនាក់ទំនងល្អ ជាមួយបក្សកុម្មុយនិស្តចិន ៕
