រុស្ស៊ី ទម្លាក់យន្តហោះដ្រូនអ៊ុយក្រែន ជាង ៧០គ្រឿង ក្នុងរយៈពេល ២៤ម៉ោង
ម៉ូស្គូៈ ក្រសួងការពារជាតិ បានឲ្យដឹងថា ប្រទេសរុស្ស៊ីបានបាញ់ ទម្លាក់យន្តហោះគ្មានមនុស្ស បើកអ៊ុយក្រែនចំនួន ៧២ គ្រឿង និងមីស៊ីលផ្សេងទៀត ក្នុងរយៈពេល ២៤ ម៉ោងកន្លងមក នេះបើយោងតាមការចុះផ្សាយ របស់ទីភ្នាក់ងារសារ ព័ត៌មាន ចិនស៊ិនហួ ។
ក្រសួងបានឲ្យដឹងនៅក្នុងសេចក្តីថ្លែងការណ៍មួយថា ប្រព័ន្ធការពារដែនអាកាសរុស្ស៊ី បានស្ទាក់ចាប់គ្រាប់រ៉ុក្កែត HIMARS ផលិតដោយសហរដ្ឋអាមេរិកចំនួន ៩ គ្រាប់ កាំជ្រួចមីស៊ីលរយៈចម្ងាយឆ្ងាយ Neptune មួយគ្រាប់ និងយន្តហោះគ្មានមនុស្សបើក (UAVs) ចំនួន ៧២ គ្រឿង។
លោក Vyacheslav Gladkov អភិបាល នៃតំបន់ Belgorod បានឲ្យដឹងថា តំបន់នេះបានបន្តប្រឈមមុខនឹង ការវាយប្រហារ ដោយយន្តហោះគ្មានមនុស្សបើកក្នុងថ្ងៃកន្លងមក។ លោកបាននិយាយថា កងកម្លាំងអ៊ុយក្រែន បានកំណត់គោលដៅក្រុងចំនួន ១២ ជាមួយ នឹងយន្ដហោះដ្រូន UAVs ប្រហែល ១៣០គ្រឿង ដោយបានសម្លាប់ជន ស៊ីវិលម្នាក់ និងបីនាក់ផ្សេងទៀតរងរបួស។
លោក Gladkov ក៏បានឲ្យដឹងថាការតាំងទីលំនៅចំនួន ៥២ បានកើតឡើងនៅក្រោមភ្លើងអ៊ុយក្រែនក្នុងអំឡុងពេលដូចគ្នា។ យ៉ាងហោចណាស់មានកាំជ្រួចចំនួន ៣៤ គ្រាប់ត្រូវបានបាញ់ ហើយការវាយប្រហារយន្ដហោះដ្រូន UAV ចំនួន ១២៩គ្រឿង ត្រូវបានកត់ត្រាទុក ដោយយន្តហោះ គ្មានមនុស្សបើកចំនួន ៤៥ គ្រឿងត្រូវបានបាញ់ទម្លាក់ក្នុងតំបន់៕
ប្រែសម្រួល ឈូក បូរ៉ា
