ប៉ាគីស្ថាន និងអាហ្វាគីស្ថានឈានទៅដល់ការព្រមព្រៀងបទឈប់បាញ់រវាងគ្នា
បរទេស៖ យោងតាមការចេញផ្សាយរបស់ RT ប្រទេសអាហ្វហ្គានីស្ថាន និងប៉ាគីស្ថានបានប្រកាសបទឈប់បាញ់បណ្តោះអាសន្ន ដោយបញ្ចប់ការប្រយុទ្ធគ្នាដែលបានផ្ទុះឡើងរវាងកងកម្លាំងរបស់ពួកគេកាលពីព្រឹកថ្ងៃពុធ។ ការស្លាប់ជនស៊ីវិលរាប់សិបនាក់ត្រូវបានគេរាយការណ៍នៅក្នុងការបាញ់ប្រហារចុងក្រោយបំផុតរវាងប្រទេសជិតខាងទាំងពីរ។
ក្រសួងការបរទេសប៉ាគីស្ថានបានប្រកាសជាច្រើនម៉ោងបន្ទាប់ពីការប៉ះទង្គិចគ្នាថាទីក្រុងកាប៊ុល និងទីក្រុងអ៊ីស្លាម៉ាបាដបានយល់ព្រមលើបទឈប់បាញ់រយៈពេល៤៨ម៉ោងដែលមានកំណត់ ដែលនឹងចាប់ផ្តើមនៅម៉ោង៦ល្ងាចម៉ោងក្នុងស្រុក។
នៅក្នុងសេចក្តីថ្លែងការណ៍របស់ខ្លួន ក្រសួងបាននិយាយថា ភាគីទាំងពីរនឹងខិតខំប្រឹងប្រែងដោយស្មោះ តាមរយៈការសន្ទនា ដើម្បីស្វែងរកដំណោះស្រាយជាវិជ្ជមានចំពោះបញ្ហាស្មុគស្មាញរបស់ពួកគេ ប៉ុន្តែអាចដោះស្រាយបាន”។
នៅព្រឹកថ្ងៃដដែល អ្នកនាំពាក្យក្រុមតាលីបង់អាហ្វហ្គានីស្ថាន លោក Zabihullah Mujahid បានសរសេរនៅលើ X ថា កងកម្លាំងប៉ាគីស្ថានបានបើកការវាយប្រហារ ដោយបានបាញ់ “អាវុធធុនស្រាល និងធុនធ្ងន់” ដោយបានសម្លាប់ជនស៊ីវិល ១២ នាក់ និងជាង ១០០ នាក់រងរបួស។
គួរឲ្យដឹងដែរថាការប្រឈមមុខដាក់គ្នានេះ បន្ទាប់ពីការផ្ទុះឡើងកាលពីចុងសប្តាហ៍ ដែលអាហ្វហ្គានីស្ថាន និងប៉ាគីស្ថាន ទាមទារសំណងជនរងគ្រោះ។ ក្រុមតាលីបង់បាននិយាយថា ខ្លួនបានសម្លាប់ទាហានប៉ាគីស្ថានចំនួន៥៨នាក់ ខណៈដែលទីក្រុងអ៊ីស្លាម៉ាបាដបានអះអាងថាបានចាប់យកប៉ុស្តិ៍ព្រំដែនអាហ្វហ្គានីស្ថានចំនួន១៩នាក់៕
ប្រែសម្រួល៖ ស៊ុនលី
