មេដឹកនាំអាមេរិក-ជប៉ុន ជួបពិភាក្សាគ្នាជាលេីកដំបូង ដោយផ្ដោតសំខាន់លេីការ សំណាយវិស័យការពារជាតិ
តូក្យូ៖ នាយករដ្ឋមន្ត្រីថ្មីរបស់ប្រទេសជប៉ុន លោកស្រី Sanae Takaichi និងប្រធានាធិបតីសហរដ្ឋអាមេរិក លោក ដូណាល់ ត្រាំ បានចាប់ផ្តើមកិច្ចប្រជុំលើកដំបូងរបស់ពួកគេនៅទីក្រុងតូក្យូនៅថ្ងៃអង្គារ ដោយមានគោលបំណងបង្កើតទំនាក់ទំនងផ្ទាល់ខ្លួនឱ្យកាន់តែជិតស្និទ្ធ និងជំរុញកិច្ចសហប្រតិបត្តិការសន្តិសុខ ចំពេលមានការអំពាវនាវ របស់ទីក្រុងវ៉ាស៊ីនតោន ឱ្យសម្ព័ន្ធមិត្តចំណាយប្រាក់បន្ថែមទៀត លើការការពារជាតិ។
ស្តីពីសន្តិសុខ លោកស្រី Takaichi ដែលចូលកាន់ តំណែងមួយសប្តាហ៍មុន និងលោក ត្រាំ ទំនងជាយល់ស្របលើសារៈសំខាន់ នៃការពង្រឹងសមត្ថភាពទប់ស្កាត់ និងឆ្លើយតបរបស់សម្ព័ន្ធមិត្តទ្វេភាគី ចំពេលមានបញ្ហាប្រឈមសន្តិសុខ កាន់តែខ្លាំងឡើងដែលបង្កឡើងដោយប្រទេសចិន និងកូរ៉េខាងជើង ។
ដោយសារលោក ត្រាំ ទាមទារឱ្យសម្ព័ន្ធមិត្តសហរដ្ឋអាមេរិក បង្កើនថវិកាការពារជាតិរបស់ពួកគេ លោកស្រី Takaichi ត្រូវបានគេរំពឹងថា នឹងសង្កត់ធ្ងន់លើផែនការ របស់លោកស្រី ដែលបានសន្យា នៅក្នុងសុន្ទរកថា សភារបស់លោកស្រីកាលពីសប្តាហ៍មុន ដើម្បីបង្កើនការចំណាយការពារជាតិ របស់ប្រទេសជប៉ុនដល់ ២ភាគរយ នៃផលិតផលក្នុងស្រុកសរុបនៅខែមីនា ពីរឆ្នាំមុនគោលដៅ ដែលបានកំណត់ពីមុននៃឆ្នាំសារពើពន្ធ២០២៧។
ប្រទេសជប៉ុន បានបង្កើនថវិកា ការពារជាតិរបស់ខ្លួនយ៉ាងច្រើន ចាប់តាំងពីគោលដៅឆ្នាំសារពើពន្ធ ២០២៧ ត្រូវបានកំណត់នៅពេល ដែលរដ្ឋាភិបាលនៅចុងឆ្នាំ២០២២ បានកែសម្រួលយុទ្ធសាស្ត្រ សន្តិសុខជាតិ រយៈពេលវែងរបស់ខ្លួន ដែលលោកស្រី Takaichi បានសន្យាថានឹងធ្វើបច្ចុប្បន្នភាពនៅឆ្នាំក្រោយ។
លោកស្រី Takaichi ជាអ្នកអភិរក្សនិយមដ៏តឹងរ៉ឹង និងជាអ្នកការពារសន្តិសុខ ដែលត្រូវបានគេចាត់ទុកថា ជាកូនសិស្សរបស់លោក Shinzo Abe មានគោលបំណងកសាង ទំនាក់ទំនងជិតស្និទ្ធជាមួយលោក ត្រាំ ដែលត្រូវបានគេស្គាល់ដោយសារទំនាក់ទំនង ផ្ទាល់ខ្លួនរបស់លោកជាមួយអតីត នាយករដ្ឋមន្ត្រីជប៉ុន ដែលត្រូវបានគេធ្វើឃាតក្នុងឆ្នាំ២០២២៕
ប្រែសម្រួល ឈូក បូរ៉ា
