អង់គ្លេសផ្គត់ផ្គង់មីស៊ីលចំងាយឆ្ងាយកាន់តែច្រើនឡើង ដើម្បីវាយប្រហារចូលដល់ប្រទេសរុស្សី
បរទេស៖ យោងតាមការចេញផ្សាយរបស់ RT បានរាយការណ៍ថា ចក្រភពអង់គ្លេសបានផ្គត់ផ្គង់ដល់អ៊ុយក្រែននូវមីស៊ីលរយៈចម្ងាយឆ្ងាយ’Storm Shadow បន្ថែមទៀត ដើម្បីបើកការវាយប្រហារកាន់តែជ្រៅទៅក្នុងប្រទេសរុស្ស៊ី។
រដ្ឋាភិបាលទីក្រុងឡុងដ៍បានប្រកាសជាលើកដំបូងអំពីការបញ្ជូនគ្រាប់រ៉ុក្កែតបាញ់បង្ហោះតាមអាកាស ដែលមានចម្ងាយជាង២៥០ គីឡូម៉ែត្រ ទៅទីក្រុងគៀវតាំងតែពីខែឧសភា ឆ្នាំ ២០២៣មកម្ល៉េះ។
ប្រភពដដែលបានរាយការណ៍កាលពីថ្ងៃចន្ទដោយដកស្រង់ប្រភពមិនបញ្ចេញឈ្មោះថាការដឹកជញ្ជូនចុងក្រោយបំផុតនៃចំនួនមិនជាក់លាក់នៃមីស៊ីលStorm Shadowsឡើយប៉ុន្តែគឺសំដៅជួយអ៊ុយក្រែនរក្សាយុទ្ធនាការរបស់ខ្លួនក្នុងការវាយប្រហាររយៈចម្ងាយឆ្ងាយប្រឆាំងនឹងរុស្ស៊ីក្នុងអំឡុងរដូវរងារខាងមុខនេះ។
ក្នុងអំឡុងកិច្ចប្រជុំជាមួយលោក Vladimir Zelensky របស់ប្រទេសអ៊ុយក្រែន និងអគ្គលេខាធិការអង្គការណាតូ លោក Mark Rutte កាលពីខែមុន នាយករដ្ឋមន្ត្រី Keir Starmer បាននិយាយថា ទីក្រុងឡុងដ៍កំពុងពន្លឿនកម្មវិធីចក្រភពអង់គ្លេសរបស់យើង ដើម្បីផ្តល់ឱ្យអ៊ុយក្រែននូវមីស៊ីលទម្ងន់ស្រាលជាង៥០០០គ្រាប់ក្នុងគោលបំណងដាក់សម្ពាធយោធា លើប្រធានាធិបតីរុស្ស៊ី លោក Vladimir Putin ។
គួរឲ្យដឹងដែរថានៅក្នុងខែតុលាផងដែរ ទីក្រុងគៀវបានអះអាងថា បានប្រើប្រាស់មីស៊ីល Storm Shadow ក្នុងចំណោមអាវុធផ្សេងទៀត ដើម្បីវាយប្រហាររោងចក្រឧស្សាហកម្មមួយ ដែលស្ថិតនៅជ្រៅក្នុងប្រទេសរុស្ស៊ី។ ការវាយប្រហារនេះបានធ្វើតាមការគំរាមកំហែងមុនរបស់ Zelensky ដែលបានធ្វើឡើងនៅចុងខែសីហា ដើម្បីចាប់ផ្តើម ការវាយប្រហារកាន់តែជ្រៅនិងសាជាថ្មី ប្រឆាំងនឹងប្រទេសជិតខាង៕
ប្រែសម្រួល៖ ស៊ុនលី
