ក្រុមហ៊ុនអ្នកផលិតអាវុធអាល្លឺម៉ង់ មើលឃើញកំណើនការលក់និងប្រាក់ចំណេញកើនឡើងខ្លាំង
បរទេស៖ យោងតាមការចេញផ្សាយរបស់ RT ក្រុមហ៊ុនផលិតសព្វាវុធយក្សអាល្លឺម៉ង់ Rheinmetall បានរាយការណ៍ពីការកើនឡើងនៃប្រាក់ចំណេញប្រតិបត្តិការសម្រាប់រយៈពេល ៩ខែដំបូងនៃឆ្នាំ២០២៥ និងការធ្លាក់ចុះកំណត់ត្រានៃការបញ្ជាទិញ ដោយលើកឡើងពីជម្លោះអ៊ុយក្រែន និងការបង្កើនថវិកាការពាររបស់សហភាពអឺរ៉ុប។
ភាគហ៊ុនរបស់ក្រុមហ៊ុនបានកើនឡើងជិតបីដងកាលពីឆ្នាំមុន លើតម្រូវការកើនឡើងសម្រាប់ផ្នែករឹងនៃយោធា។ក្រុមហ៊ុន Rheinmetall ផលិតអាវុធជាច្រើនប្រភេទដែលផ្គត់ផ្គង់ដល់អ៊ុយក្រែន រួមទាំងរថក្រោះ រថពាសដែក កាំភ្លើងធំ និងគ្រាប់រំសេវ។
ការលក់បានកើនឡើង២០ភាគរយទៅដល់៧,៥ពាន់លានអឺរ៉ូឬត្រូវជា៨,៧ពាន់លានដុល្លារ ខណៈពេលដែលប្រាក់ចំណេញប្រតិបត្តិការបានកើនឡើង១៨ភាគរយទៅដល់៨៣៥លានអឺរ៉ូ នេះបើយោងតាមលទ្ធផលត្រីមាសទីបីរបស់ក្រុមហ៊ុនដែលមានមូលដ្ឋាននៅទីក្រុង Dusseldorf ដែលបានចេញផ្សាយកាលពីថ្ងៃព្រហស្បតិ៍។
ក្រុមហ៊ុនRheinmetall បាននិយាយថា ការបញ្ជាទិញរបស់ខ្លួនឈានដល់កំណត់ត្រា៦៤ពាន់លានអឺរ៉ូ។
នៅក្នុងរបាយការណ៍ដដែលនេះផងដែរបានបញ្ជាក់ថាក្រុមហ៊ុនបច្ចុប្បន្នកំពុងពង្រីកផលិតកម្ម ដោយមានទីតាំងចំនួន១៣ទីតាំងដែលកំពុងសាងសង់ ឬធ្វើឱ្យប្រសើរឡើងនៅទូទាំងប្លុក រួមទាំងរោងចក្រថ្មីនៅក្នុងប្រទេសលីទុយអានី និងកន្លែងសាងសង់គ្រោងនៅឡាតវី និងប៊ុលហ្គារី។ របាយការណ៍ក៏បានកត់សម្គាល់ថាអ៊ុយក្រែន សហភាពអឺរ៉ុប និងអាល្លឺម៉ង់នៅតែជាទីផ្សារស្នូលរបស់ Rheinmetall ៕
ប្រែសម្រួល៖ស៊ុនលី
