ជើងហោះហើរពីរដ្ឋ Florida ទៅកាន់រដ្ឋ Arizona ត្រូវបង្ខំចិត្តចុះចតជាបន្ទាន់ក្នុងទីក្រុង Houston បន្ទាប់ពីធុំក្លិនដ៏ចម្លែក បណ្តាលឱ្យអ្នកនៅលើយន្តហោះមិនស្រួលខ្លួនខ្លាំង
បរទេស៖ ជើងហោះហើររបស់ក្រុមហ៊ុនអាកាសចរណ៍ American Airlines ដែលធ្វើដំណើរពីរដ្ឋ Florida ទៅកាន់រដ្ឋ Arizona ត្រូវបង្ខំចិត្តចុះចតជាបន្ទាន់ក្នុងទីក្រុង Houston បន្ទាប់ពីសមាជិកនាវិកបានធុំក្លិនដ៏ចម្លែកមួយបានភាយពេញកាប៊ីនរបស់យន្តហោះ និងបានបណ្តាលមនុស្សជាច្រើនមានអាការៈមិនស្រួលខ្លួន នៅកណ្តាលអាកាស។
យោងតាមសារព័ត៌មាន VN Express ចេញផ្សាយនៅថ្ងៃទី២៥ ខែវិច្ឆិកា ឆ្នាំ២០២៥ បានឱ្យដឹងថា Simple Flying បានរាយការណ៍ថា ជើងហោះហើរ AA2118 បានហោះឡើងនៅថ្ងៃទី ២៣ ខែវិច្ឆិកា ប៉ុន្តែបានបង្វែរតិចជាងពីរម៉ោងក្នុងការធ្វើដំណើរ នៅពេលដែលអ្នកបើកយន្តហោះ បានទាក់ទងទៅផ្នែកគ្រប់គ្រងចរាចរណ៍ផ្លូវអាកាស ដើម្បីរាយការណ៍អំពី “ចំហាយក្លិន” នៅក្នុងកាប៊ីនអ្នកបើកយន្តហោះ និងកាប៊ីនអ្នកដំណើរ។
សមាជិកនាវិកជាច្រើននាក់មានអារម្មណ៍មិនស្រួលខ្លួន ហើយត្រូវការការព្យាបាល។ យន្តហោះ Airbus A321 បានចុះចតដោយសុវត្ថិភាពនៅអាកាសយានដ្ឋាន George Bush នៅម៉ោង 7:10 យប់ សារព័ត៌មាន Aviation Herald បានរាយការណ៍ថា ជាកន្លែងដែលក្រុមសង្គ្រោះបន្ទាន់កំពុងរង់ចាំរួចហើយ។
FAA កត់សំគាល់ថាក្លិនមិនធម្មតាអាចលេចឡើងនៅពេលដែលសមាសធាតុដូចជាប្រព័ន្ធម៉ាស៊ីន ឬតម្រងខ្យល់ដំណើរការខុសប្រក្រតីដែលអនុញ្ញាត ឱ្យផ្សែងចេញពីប្រេងឬប្រេងរំអិលជ្រាបចូលទៅក្នុងប្រព័ន្ធខ្យល់ ដែលបានបង្ហាប់ដែលភាយចូលមកដល់កាប៊ីនរបស់យន្តហោះ។ ទោះបីជាកម្រកើតមានក៏ដោយ ឧប្បត្តិហេតុទាំងនេះជាធម្មតាបង្កឱ្យមានការបង្វែរភ្លាមៗ ជាការប្រុងប្រយ័ត្នសុវត្ថិភាព៕
ប្រែសម្រួលៈ ណៃ តុលា
