បទវិភាគ៖ប្រទេសចិននឹងក្លាយជាកម្លាំងចលករបន្ថែមលើ “កម្លាំង សកលខាងត្បូង” កាន់តែច្រើនដល់ការអភិវឌ្ឍប្រទេសG20 និងអភិបាលកិច្ចសេដ្ឋកិច្ចសកល
“ប្រារព្ធធ្វើឡើងជាលើកដំបូងនៅទ្វីបអាហ្វ្រិក” “ដែលផ្តោតសំខាន់ទៅលើប្រធានបទស្តីពីសលកលខាងត្បូង” “អំពាវនាវឱ្យសាមគ្គីភាពគ្នា ដើម្បីឆ្លើយតបបញ្ហាប្រឈម” ។ល។ នាថ្ងៃទី២៣ ខែវិច្ឆិកា តាមម៉ោងក្នុងតំបន់ កិច្ចប្រជុំកំពូលក្រុមប្រទេស G20 លើកទី២០ បានបិទសម័យអង្គប្រជុំនៅក្រុងចូហានណេសប៊ឺក ប្រទេសអាហ្វ្រិកខាងត្បូង។ ក្នុងអំឡុងកិច្ចប្រជុំកំពូល លោក Li Qiang នាយករដ្ឋមន្ត្រីចិនបានថ្លែងសុន្ទរកថា ដោយគូសបញ្ជាក់ថា គួរសាមគ្គីភាព និងធ្វើកិច្ចសហប្រតិបតិ្តការដើម្បីឆ្លើយតបនឹងភាពទន់ខ្សោយនៃការងើបឡើងវិញ របស់សេដ្ឋកិច្ចសកល ការខ្វែងគំនិត ទំនាស់ និងផលលំបាកក្នុងអភិបាលកិច្ច ។ គួរបញ្ជាក់ផងដែរថា នៅថ្ងៃបើកកិច្ចប្រជុំកំពូលនេះ ក៏បានចេញសេចក្តីថ្លែងការណ៍រួម នេះជាលើកទីមួយហើយក្នុងប្រវត្តិសាស្ត្រកិច្ចនៃកិច្ចប្រជុំកំពូល ដែលបានបង្ហាញឱ្យឃើញនូវការបេ្តជ្ញាចិត្តរបស់បណ្តាភាគីនានា ក្នុងការបង្កើនសាមគ្គីភាពគ្នា និងសហប្រតិបតិ្តការ ដើម្បីរួមគ្នាឆ្លើយតបនឹងបញ្ហាប្រឈម ។
នៅខែកញ្ញាឆ្នាំនេះ លោក Xi Jinping ប្រធានរដ្ឋចិនបានលើកឡើងនូវគំនិតផ្តួចផ្តើមអភិបាលកិច្ចសកល ដែលបានផ្តល់ផែនការសម្រាប់ដោះស្រាយឱនភាពខាងអភិបាលកិច្ចសកលតាមបែបផែនចិន។ យើងរំពឹងទុកថា ប្រទេសG20 អាចដឹកនាំការអនុវត្តពហុភាគីនិយម ធ្វើកំណែងទម្រង់ឱ្យមានសុក្រឹតភាពនូវអភិបាលកិច្ចសកល ក៏ដូចជាជំរុញការអភិវឌ្ឍរួមរបស់បណ្តាប្រទេសនានា ។ កិច្ចប្រជុំកំពូលលើកនេះ បានបើកធ្វើនៅទ្វីបអាហ្វ្រិក ការនេះមិនត្រឹមតែផ្ទុកនូវគោលបំណងរួមរបស់ប្រទេសសកលខាងត្បូង ដើម្បីជំរុញនវានុវត្តន៍ប្រព័ន្ធអភិបាលកិច្ចសកល ថែមទាំងបានបន្សល់ទុក “ដានស្នាមអនុស្សាវរីយ៍ទ្វីបអាហ្វ្រិក ”យ៉ាងច្បាស់លាស់ នៃការអភិវឌ្ឍរបស់ប្រទេសG20និងអភិបាលកិច្ចសកលផងដែរ ។
ជានិច្ចជាកាល សាមគ្គីគ្នា និងកិច្ចសហប្រតិបតិ្តការ ជាគន្លឹះសំខាន់សម្រាប់ការអភិវឌ្ឍរបស់មនុស្សជាតិ ហើយក៏ជាគោលបំណងដើមរបស់ក្រុមប្រទេសG20ផងដែរ។ នៅឆ្នាំ២០២២ ក្នុងកិច្ចប្រជុំកំពូលប្រទេសG20 នៅកោះបាលី លោក Xi Jinping ប្រធានរដ្ឋចិនបានលើកឡើងថា សាមគ្គីគ្នាជាកម្លាំង ការបំបែកបំបាក់គ្មានច្រកចេញទេ។ នៅឆ្នាំ២០២៤ ក្នុងកិច្ចប្រជុំកំពូលនៅក្រុងរីយ៉ូ ដឺ ហ្សាណេរ៉ូ លោក Xi Jinping ប្រធានរដ្ឋចិនបានលើកឡើងពីគំនិតផ្តួចផ្តើមដ៏សំខាន់ស្តីពីការជំរុញការអភិវឌ្ឍរួមរបស់បណ្តាប្រទេសនានា ដែលបានផ្តល់ “ផែនទីចង្អុលបង្ហាញផ្លូវ”ដល់សុក្រឹតភាព នៃអភិបាលកិច្ចជាសកល ។ បច្ចុប្បន្ននេះ ខណៈពេលកិច្ចប្រជុំកំពូលបានប្រារព្ធធ្វើឡើងនៅទ្វីបអាហ្វ្រិក ប្រទេសសកលខាងត្បូងបានចូលរួមចំណែកអភិបាលកិច្ចសកលកាន់តែច្រើន តើយើងត្រូវធ្វើយ៉ាងណា ទើបអាចបង្កបង្កើតនិម្មាបនកម្មថី្ម នៃការអភិវឌ្ឍប្រទេសG20 និងជំរុញកំណើនសេដ្ឋកិច្ចសកល ?
ក្នុងនាមជាសមាជិកដ៏សំខាន់នៃប្រទេសG20 និងប្រទេសកំពុងអភិវឌ្ឍន៍ធំបំផុត ជានិច្ចជាកាល ប្រទេសចិនបានផ្តួចផ្តើមឱ្យស្តាប់សំឡេងរបស់ទ្វីបអាហ្វ្រិក យកចិត្តទុកដាក់ដល់កង្វល់របស់ទ្វីបអាហ្វ្រិក និងការគាំទ្រប្រតិបតិ្តការនៅទ្វីបអាហ្វ្រិក ។ បន្ទាប់ពីកិច្ចប្រជុំកំពូលក្រុងហាងចូវនៅឆ្នាំ២០១៦ បានលើកឡើង «គំនិតផ្តួចផ្តើមរបស់ប្រទេសG20ស្តីពីការគាំទ្រឧស្សាហូបនីយកម្មរបស់ទ្វីបអាហ្វ្រិកនិងប្រទេសអភិវឌ្ឍន៍តិចតួច » នៅឆ្នាំនេះ ប្រទេសចិនបានរំលឹកឡើងវិញ និងបូកសរុបលទ្ធផលប្រតិបតិ្តការ និងប្រសិទ្ធភាពនៃការអនុវត្តគំនិតផ្តួចផ្តើម ហើយបានចងក្រងជា “សកម្មភាពចិន” ដើម្បីគាំទ្រកិច្ចកសាងឧស្សាហូបនីយកម្ម នៃទ្វីបអាហ្វ្រិក ។ ដោយឡែក វិធានការ ដូចជាគាំទ្របន្ធូរបន្ថយបំណុលរបស់ប្រទេសកំពុងអភិវឌ្ឍន៍ រួមជាមួយអាហ្វ្រិកខាងត្បូងលើកឡើង «គំនិតផ្តួចផ្តើមស្តីពីការគាំទ្រទំនើបកម្មរបស់ទ្វីបអាហ្វ្រិក» និងបង្កើតវិទ្យាស្ថានអភិវឌ្ឍន៍សកលជាដើម នឹងបង្កើនសមត្ថភាពអភិវឌ្ឍមានភាពម្ចាស់ការរបស់ប្រទេសទ្វីបអាហ្រ្វិកប្រកបភាពប្រកដនិយម ដែលបានជាកម្លាំងចលករថ្មីបំពេញបន្ថែម ដល់ការអភិវឌ្ឍរួមរបស់បណ្តាប្រទេសនានា ។
ពេលបច្ចុប្បន្ននេះ សេដ្ឋកិច្ចសកលមានភាពស៊ីសង្វាក់គ្នាយ៉ាងជ្រាលជ្រៅ គ្មានប្រទេសណាអាចដកខ្លួនបានទេ ។ តាមរយៈទំនើបកម្មតាមបែបផែនចិន ត្រូវជំរុញកាន់តែស៊ីជម្រៅ និងការអនុវត្តគំនិតផ្តួចផ្តើមស្តីពីអភិបាលកិច្ចសកលប្រកបដោយភាពកាន់តែជាក់ស្តែង ប្រទេសចិននឹងរួមសហការជាមួយប្រទេសសកលខាងត្បូងបំពេញបន្ថែម “កម្លាំងសកលខាងត្បូង”កាន់តែច្រើនដល់ការអភិវឌ្ឍប្រទេសG20៕
