លោក ដូណាល់ ត្រាំ ជំរុញឱ្យនាយករដ្ឋមន្ត្រីជប៉ុន បញ្ជៀសការបង្កើនជម្លោះបន្ថែមជាមួយចិន
បរទេស: ប្រធានាធិបតីអាមេរិក លោក ដូណាល់ ត្រាំ បានស្នើសុំឱ្យនាយករដ្ឋមន្ត្រីជប៉ុន លោកស្រី សាណាអេ តាកៃឈី ជៀសវាងការកើនឡើងបន្ថែមទៀតនៃជម្លោះជាមួយចិន ក្នុងអំឡុងពេល នៃការហៅទូរស័ព្ទមួយក្នុងសប្តាហ៍នេះ, នេះបើយោងតាមប្រភពពីរ របស់រដ្ឋាភិបាលជប៉ុន ដែលដឹងពីបញ្ហានេះ។
យោងតាមសារព័ត៌មាន រ៉យទ័រ ចេញផ្សាយនៅថ្ងៃទី២៧ ខែវិច្ឆិកា ឆ្នាំ២០២៥ បានឲ្យដឹងថា លោកស្រី តាកៃឈី បានបង្កឱ្យមានការប៉ះទង្គិចគ្នាខាងការទូតដ៏ធំបំផុតជាមួយទីក្រុងប៉េកាំងក្នុងរយៈពេលជាច្រើនឆ្នាំ នៅពេលដែលលោកស្រី បានប្រាប់សភាកាលពីដើមខែនេះថា គំនិតនៃ ការវាយប្រហាររបស់ចិន លើកោះតៃវ៉ាន់អាចបង្កឱ្យមានសកម្មភាព យោធារបស់ជប៉ុន។
ការលើកនោះបានទាក់ទាញ ការឆ្លើយតបយ៉ាងខ្លាំងក្លា ពីទីក្រុងប៉េកាំង ដែលអះអាងថាកោះតៃវ៉ាន់ គ្រប់គ្រងតាមបែបប្រជាធិបតេយ្យ និងការទាមទារឱ្យលោកស្រី តាកៃឈី ដកការកត់សម្គាល់របស់លោកស្រីចេញ ដែលមិនទាន់មាននៅឡើយទេ។
នៅក្នុងការហៅទូរស័ព្ទកាលពីថ្ងៃអង្គារជាមួយលោក ត្រាំ ប្រធានាធិបតីអាមេរិកបានបង្ហាញពីបំណងប្រាថ្នា ឲ្យលោកស្រី តាកៃឈី បញ្ជៀសការធ្វើឱ្យ ទីក្រុងប៉េកាំងខឹង សម្បារបន្ថែមទៀត នេះបើយោងតាមប្រភពដែលបានស្នើសុំមិន បញ្ចេញឈ្មោះ ដោយសារតែភាពរសើប នៃបញ្ហានេះ៕
ប្រែសម្រួល: ណៃ តុលា
