បទវិភាគ ៖ គោលដៅខាងការប្រើប្រាស់ថ្មី របស់ចិនផ្តល់កាលានុវត្តភាព ដ៏សំខាន់ដល់ពិភពលោក
“ក្នុងរយៈពេល៥ឆ្នាំខាងមុខនេះ ចិននឹងគាំទ្រការប្រើប្រាស់ដោយកម្លាំងកាន់តែធំ” “នឹងផ្តោតលើការបំពេញតម្រូវការ របស់ក្រុមមនុស្សផ្សេងៗគ្នា” “នឹងបញ្ចេញសក្តានុពល នៃទីផ្សារ ប្រើប្រាស់ថែមមួយកម្រិតទៀត”។ ល ។ ប៉ុន្មានថ្ងៃជាប់មកនេះ បន្ទាប់ពីរដ្ឋាភិបាលចិន ប្រកាស 《គម្រោងអនុវត្តការ បង្កើនភាព ស៊ីសង្វាក់គ្នា រវាងការផ្គត់ផ្គង់ និងតម្រូវការនៃទំនិញប្រើប្រាស់ ដើម្បីជំរុញការប្រើប្រាស់ថែមមួយកម្រិតទៀត》 ប្រព័ន្ធសារព័ត៌មានបរទេស បានវាយតម្លៃព្រមៗគ្នា ។ មតិអន្តរជាតិបានយល់ឃើញថា ក្នុងបរិបទដែលសេដ្ឋកិច្ចសកលកើនឡើងដោយកម្លាំងទន់ខ្សោយ ឯកសារអំពីគោលនយោបាយ ជំរុញការប្រើប្រាស់ទីមួយ បន្ទាប់ពីកិច្ចប្រជុំ ពេញអង្គលើកទី៤ នៃគណៈកម្មាធិការមជ្ឈិមបក្សកុម្មុយនីស្តចិន អាណត្តិទី២០ នឹងនាំមកនូវកាលានុវត្តភាព អភិវឌ្ឍន៍ថ្មីដល់ភាគីនានា ។
កិច្ចប្រជុំពេញអង្គលើកទី៤ នៃគណៈកម្មាធិការ មជ្ឈិមបក្សកុម្មុយនីស្តចិន អាណត្តិទី២០ បានលើកឡើងថា នឹងប្រកាន់ខ្ជាប់ការពង្រីកតម្រូវការផ្ទៃក្នុង ដែលជាចំណុចមូលដ្ឋានជាយុទ្ធសាស្ត្រនេះ ជំរុញការផ្គត់ផ្គង់ថ្មីតាមរយៈតម្រូវការថ្មី និងបង្កើតតម្រូវការថ្មីតាមរយៈការផ្គត់ផ្គង់ថ្មី ។ ប៉ុន្តែបច្ចុប្បន្ននេះ វិស័យផ្គត់ផ្គង់និងតម្រូវការមួយចំនួននៅតែមានការរៀបចំបែងចែកដ៏ខុសឆ្គង និងឧបសគ្គដដែល ។ ឧទាហរណ៍ដូចជា ការប្រើប្រាស់និងផ្គត់ផ្គង់ផលិតផលថ្មី ដែលសមស្របនឹង តម្រូវការ ខាងគុណភាពល្អ និងលក្ខណៈបុគ្គល របស់ប្រជាជនមិនគ្រប់គ្រាន់ទេ តម្រូវការខាងការប្រើប្រាស់ ក្នុងការចិញ្ចឹមជីវិត របស់វ័យជរា និង ថែទាំកូន ទេសចរណ៍វប្បធម៌និងភាពវៃឆ្លាតជាដើម បានកើនឡើងយ៉ាងខ្លាំង ប៉ុន្តែបរិមាណនិងគុណភាព នៃការផ្គត់ផ្គង់ ដែលមានលក្ខណៈបុគ្គល ដូចជាផលិតផលប្រើប្រាស់ សម្រាប់អ្នកចាស់ជរា បរិក្ខារចុងក្រោយវៃឆ្លាត និងការទស្សនារយៈកម្ពស់ទាបជាដើម នៅតែមិនអាចបំពេញតម្រូវការបានទេ ។
ដូច្នេះក៏មិនពិបាកយល់ថា ហេតុអ្វីបានជាគម្រោងនេះ បានគូសបញ្ជាក់ថា ត្រូវ “បង្កើនភាពស៊ីសង្វាក់គ្នា រវាងការផ្គត់ផ្គង់និងតម្រូវការនៃទំនិញប្រើប្រាស់” គឺមានគោលបំណងនាំឱ្យការផ្គត់ផ្គង់សមស្រប នឹងបម្រែបម្រួលថ្មីនៃនិន្នាការប្រើប្រាស់ ដើម្បីសម្រេចបាន នូវការដែល“ប្រជាជនចង់ បានអ្វីក៏អាចផ្គត់ផ្គង់អ្វីបាន” ។ ព្រមពេលជាមួយគ្នានេះ វាក៏ជំរុញឱ្យសហគ្រាសផលិតផលិតផលប្រកបដោយភាពសមស្រប គុណភាពល្អនិងតម្លៃថោកទាប ដើម្បីជំរុញឱ្យសេដ្ឋកិច្ចវិលជុំដោយរលូន ។
ក្នុងនាមជាទីផ្សារប្រើប្រាស់ធំទីពីរ លើពិភពលោក ចិនលើកឡើងគោលដៅនៃការប្រើប្រាស់ថ្មីវាគ្មានអ្វីគួរឱ្យសង្ស័យឡើង គឺជាផលប្រយោជន៍មួយ សម្រាប់ពិភពលោក ។ បច្ចុប្បន្ននេះ ទំនិញប្រើប្រាស់របស់ចិន មានបរិមាណសរុបឡើងដល់២៣០លានប្រភេទ បរិមាណផលិតផលប្រភេទជាង១០០ ដូចជាគ្រឿងអគ្គិសនីប្រើប្រាស់ក្នុងផ្ទះ គ្រឿងសង្ហារិម វត្ថុប្រើប្រាស់ខាងវប្បធម៌ និងកីឡានិងសំលៀកបំពាក់ជាដើមកាន់លំដាប់ថ្នាក់ទីមួយ លើពិភពលោក ។ គម្រោងនេះលើកឡើង វិស័យប្រើប្រាស់ថ្នាក់ទ្រីលានចំនួនបីនិងចំណុចប្រើប្រាស់ក្តៅថ្នាក់១សែនលានចំនួន១០ មុខជានឹងពង្រីកលំហទីផ្សារ ដ៏ធំធេងបំផុតរបស់ចិន ដែលបង្កើតកាលានុវត្តភាពឈ្នះ-ឈ្នះ កាន់តែច្រើនដល់ពិភពលោក ។
ឆ្លងតាមរយៈការពង្រីកការបើកទូលាយ និងធ្វើឱ្យទីផ្សារ ប្រើប្រាស់មានភាពល្អប្រសើរ ជាបន្តបន្ទាប់របស់ចិន ទំនិញនិងសេវាកម្មប្រកបដោយគុណភាព ខ្ពស់កាន់ តែច្រើនរបស់បរទេសនឹងចូលក្នុងប្រទេសចិន រីឯកម្លាំងចលករថ្មីនៃការប្រើប្រាស់ ដែលពូនជ្រំ ដោយប្រទេសចិនក៏នឹងជំរុញ ដល់ការអភិវឌ្ឍ នៃសេដ្ឋកិច្ចសកលឱ្យបានកាន់តែច្រើនផងដែរ ដើម្បីបំពេញបន្ថែមកម្លាំងរស់រវើកសម្រាប់ ការងើបឡើងវិញ នៃទីផ្សារប្រើប្រាស់ ទូទាំងពិភពលោក ។ លោក Zhang Tianbing ដៃគូទទួលបន្ទុកឧស្សាហកម្ម ប្រើប្រាស់នៃក្រុមហ៊ុន Deloitte ប្រចាំនៅចិនបានថ្លែងថា ចិនចេញផ្សាយឯកសារអំពីគោលនយោបាយ ជំរុញការប្រើប្រាស់នាំឱ្យសហគ្រាសទុនបរទេស ដែលបូករួមទាំងក្រុមហ៊ុន Deloitte ត្រូវលើកទឹកចិត្តយ៉ាងខ្លាំង ។
ការកំណត់និងអនុវត្តជាក់ស្តែង នូវគោលដៅ នៃការប្រើប្រាស់ថ្មីរបស់ចិន មិនត្រឹមតែនឹងបំពេញបន្ថែមតម្រូវការ ស្វែងរកជីវភាពល្អប្រសើរ របស់ប្រជាជនប៉ុណ្ណោះទេ ថែមទាំងក៏នាំ ឱ្យឥស្សរជន អន្តរជាតិកាន់តែច្រើនមានចំណាប់ អារម្មណ៍ចំពោះកម្លាំងទាក់ទាញដ៏វិសេស វិសាលចំពោះការទិញទំនិញនៅប្រទេសចិន ក៏ដូចជាចាប់អារម្មណ៍ចំពោះអត្ថន័យនៃ”ការធ្វើអាជីវកម្មយ៉ាង ស៊ីជម្រៅនៅប្រទេសចិន”ផងដែរ ៕
