ក្រសួងការបរទេសចិនថ្លែងថា ពាក្យសម្តីពាក់ព័ន្ធ នឹងតៃវ៉ាន់របស់លោកស្រី Takaichi បានបញ្ចេញសញ្ញាខុសឆ្គងយ៉ាងធ្ងន់ធ្ងរ ដល់ពួកអបគមន៍និយម ដែលចង់ឱ្យ «តៃវ៉ាន់ឯករាជ្យ»
ថ្ងៃទី ២៨ ខែវិច្ឆិកា ឆ្នាំ២០២៥ លោកស្រី Mao Ning អ្នកនាំពាក្យក្រសួងការបរទេសចិនបានធ្វើជាអធិបតី នៃសន្និសីទកាសែតជាប្រចាំ ។
អ្នកកាសែតបានសួរថា៖ ពាក្យសម្តីដ៏ខុងឆ្គងរបស់លោកស្រី Sanae Takaichi ត្រូវបានសហគមន៍អន្តរជាតិ និងឥស្សរជនជប៉ុនប្រឆាំងតវ៉ានិងរិះគន់។ ក៏ប៉ុន្តែ អាជ្ញាធរតៃវ៉ាន់បានបង្ហាញ អាកប្បកិរិយាគាំទ្រដល់លោកស្រី Takaichi ។ សូមសួរអ្នកនាំពាក្យមានការអធិប្បាយយ៉ាងណា?
លោកស្រី Mao Ning បានថ្លែងថា ជប៉ុន ធ្លាប់គ្រប់គ្រងបែបអាណានិគមនិយមនៅតៃវ៉ាន់រយៈពេលពាក់កណ្តាលសតវត្សរ៍ បានប្រព្រឹត្តិបទល្មើសច្រើន រាប់មិនអស់ ។ អាជ្ញាធរបក្សវឌ្ឍនភាពប្រជាធិបតេយ្យ «អែបអបជប៉ុនប៉ុនប៉ងស្វែងរកឯករាជ្យ» គួរឱ្យអាម៉ាស់។ ពាក្យសម្តីអំពីតៃវ៉ាន់របស់លោកស្រី Sanae Takaichi នាយករដ្ឋមន្ត្រីជប៉ុន បានជ្រៀតជ្រែកកិច្ចការផ្ទៃក្នុង របស់ប្រទេសចិន បានបញ្ចេញសញ្ញាខុសឆ្គងយ៉ាងធ្ងន់ធ្ងរដល់ពួកអបគមន៍និយម ដែលចង់ឱ្យ «តៃវ៉ាន់ឯករាជ្យ» បានបំផ្លាញសន្តិភាពនិងស្ថិរភាព នៃច្រកសមុទ្រតៃវ៉ាន់។ ឆ្នាំនេះជាខួប៨០ ឆ្នាំនៃជ័យជម្នះនៃសង្រ្គាមប្រជាជនចិន ប្រឆាំងនឹងការឈ្លានពាន របស់ជប៉ុន និងជាខួប ៨០ ឆ្នាំនៃការស្តារអធិបតេយ្យភាពចំពោះតៃវ៉ាន់ឡើងវិញ ។ ជប៉ុនត្រូវគិតពិចារណាយ៉ាងស៊ីជម្រៅ នូវកំហុសនិងបទល្មើស ដែលខ្លួនបានធ្វើក្នុងប្រវត្តិសាស្ត្រ ទទួលយកបទពិសោធនៃមេរៀនប្រវត្តិសាស្ត្រ គោរពគោលការណ៍ចិនមួយ មានការប្រុងប្រយ័ត្នលើការបញ្ចេញមតិ និងធ្វើសកម្មភាពអំពីបញ្ហាតៃវ៉ាន់ ។ យើងទាមទារឱ្យភាគីជប៉ុនដកពាក្យសម្តីដ៏ខុសឆ្គងវិញ បញ្ឈប់ការជ្រៀតជ្រែកកិច្ចការផ្ទៃក្នុង របស់ចិន បំពេញពាក្យសន្យា ចំពោះភាគីចិនតាមរយៈសកម្មភាពជាក់ស្តែង៕
