កាសែតញូវយ៉កថាមចេញផ្សាយថាលោក Trump និងលោក Maduro បានសន្ទនាគ្នាដោយសំងាត់តាមទូរស័ព្ទ
បរទេស៖យោងតាមការចេញផ្សាយរបស់ RT ដែលបានដកស្រង់ចេញពីកាសែត New York Times បានរាយការណ៍កាលពីថ្ងៃសុក្រថា ប្រធានាធិបតីអាមេរិកលោក Donald Trump បានសន្ទនាតាមទូរស័ព្ទជាមួយសមភាគីវេណេស៊ុយអេឡាលោក Nicolas Maduro កាលពីចុងសប្តាហ៍មុនចំពេលមានភាពតានតឹងកាន់តែខ្លាំងឡើង ដែលពួកគេពិភាក្សាអំពីកិច្ចប្រជុំដែលអាចធ្វើទៅបាន។
លោក Trump សាជាថ្មីម្តងទៀតបានចោទប្រកាន់លោក Maduro ថាបានដឹកនាំក្រុម Cartel de los Soles ដែលសហរដ្ឋអាមេរិកបានកំណត់ថាជាក្រុមភេរវករកាលពីថ្ងៃចន្ទ ហើយបានគំរាមវាយប្រហារប្រឆាំងនឹង ពួកភេរវករ នៅលើទឹកដីវេណេស៊ុយអេឡា។
ក្រសួងការបរទេសវ៉េណេស៊ុយអេឡាបានច្រានចោលការចោទប្រកាន់នេះថាជា ការកុហកគួរឱ្យអស់សំណើច ខណៈពេលដែលលោក Maduro បានព្រមានសហរដ្ឋអាមេរិកប្រឆាំងនឹង សង្រ្គាមឆ្កួត ។
យោងតាមកាសែត New York Times ទោះបីជាមិនមានគម្រោងសម្រាប់ប្រធានាធិបតីដើម្បីជួបនៅពេលនេះក៏ដោយ ការហៅសម្ងាត់អាចជាផ្នែកមួយនៃយុទ្ធសាស្ត្ររបស់លោក Trump ដើម្បីរួមបញ្ចូលគ្នានូវការគំរាមកំហែង និងការចរចាផងដែរ។
រដ្ឋមន្ត្រីការបរទេសអាមេរិក Marco Rubio ដែលត្រូវបានគេស្គាល់ថាជាជំហររឹងរូសរបស់គាត់ចំពោះប្រទេសវេណេស៊ុយអេឡា និងគុយបា តាមសេចក្តីរាយការណ៍បានចូលរួមនៅក្នុងការសន្ទនានេះផងដែរ៕
ប្រែសម្រួល៖ស៊ុនលី
