លោក Zelensky អះអាងថា អ៊ុយក្រែន នឹងអឺរ៉ុប នឹងចូលរួមគ្នា ធ្វើការកែប្រែផែនការសន្តិភាព
បរទេស ៖ ទីភ្នាក់ងារចិនស៊ិនហួ ចេញផ្សាយនៅថ្ងៃនេះ បានឲ្យដឹងថាប្រធានាធិបតីអ៊ុយក្រែន លោក Vladimir Zelensky បាននិយាយ កាលពីថ្ងៃចន្ទថា ទីប្រឹក្សាសន្តិសុខជាតិ នៃប្រទេសអ៊ុយក្រែន និងបណ្តាប្រទេសនៅអឺរ៉ុប នឹងធ្វើការរួមគ្នា លើការកែប្រែកំណែ ចុងក្រោយ នៃផែនការសន្តិភាព ដើម្បីបញ្ចប់វិបត្តិអ៊ុយក្រែន។
នៅពេលឆ្លើយសំណួរ របស់អ្នកកាសែតនៅលើ WhatsApp កាលពីថ្ងៃចន្ទ លោក Zelensky បាននិយាយថា គាត់គិតថាផែនការនេះ នឹងរួចរាល់នៅល្ងាចថ្ងៃអង្គារ ។ លោកបានបន្ថែមថា ៖ យើងនឹងពិនិត្យមើលវាម្ដងទៀត ហើយបញ្ជូនវាទៅសហរដ្ឋអាមេរិក ។
លោក Zelensky បាននិយាយថា ផែនការនេះត្រូវបានកាត់បន្ថយមកត្រឹម២០ចំណុចប៉ុណ្ណោះដោយបើកចំហ ចំណុចដែលមិនគាំទ្រអ៊ុយក្រែន ត្រូវបានដកចេញពីវា ប៉ុន្តែការសម្របសម្រួល មិនទាន់ត្រូវបានរកឃើញលើបញ្ហាទឹកដីនៅឡើយ។
លោកZelensky បានគូសបញ្ជាក់ ពីសារៈសំខាន់ នៃបទប្បញ្ញត្តិ នៃផែនការនេះទាក់ទង នឹងការផ្តល់មូលនិធិ សម្រាប់ការកសាងឡើងវិញ និងការធានាសន្តិសុខរបស់ប្រទេស អ៊ុយក្រែន។
លោកបាននិយាយថា ៖ការធានាសន្តិសុខខ្លាំងបំផុត ដែលយើងអាចទទួលបានគឺមកពីសហរដ្ឋអាមេរិក។ ជាការពិតណាស់ ប្រសិនបើពួកគេ មិនមែនជា ការសន្យាទទេទេ ប៉ុន្តែមានកាតព្វកិច្ចស្របច្បាប់ ត្រូវបានបោះឆ្នោត នៅក្នុងសភាសហរដ្ឋអាមេរិក ៕
ប្រែសម្រួល៖ស៊ុនលី
