នាយករដ្ឋមន្ត្រីថៃ លោក Anutin ថ្លែងថា គ្មានបទឈប់បាញ់ជាមួយកម្ពុជាទេ បើទោះជាលោក Trump អំពាវនាវក៏ដោយ
បរទេស៖ នាយករដ្ឋមន្ត្រីថៃ លោក Anutin Charnvirakul បាននិយាយនៅថ្ងៃសុក្រ (១២ ធ្នូ) ថា មិនទាន់មានបទឈប់បាញ់ជាមួយកម្ពុជានៅឡើយទេ ហើយការប្រយុទ្ធគ្នាកំពុងបន្ត។
យោងតាមសារព័ត៌មាន CNA បានចេញផ្សាយកាលពីយប់ថ្ងៃទី១២ ខែធ្នូថា លោក Anutin បានឆ្លើយតបទៅនឹងសំណួរ របស់អ្នកសារព័ត៌មានមួយរំពេច បន្ទាប់ពីបានផ្តល់ព័ត៌មានសង្ខេបអំពីប្រព័ន្ធផ្សព្វផ្សាយ តាមទូរស័ព្ទរវាងលោកជាមួយប្រធានាធិបតី សហរដ្ឋអាមេរិក Donald Trump ។
លោកក៏បាននិយាយដែរថា លោកប្រាប់លោក Trump ថា ថៃមិនមែនជាអ្នកឈ្លានពានក្នុងជម្លោះជាមួយកម្ពុជាទេ ហើយកំពុងការពារអធិបតេយ្យភាព និងប្រជាជនរបស់ខ្លួន។
លោក Anutin បាននិយាយថា លោក Trump បានប្រាប់គាត់ថា គាត់ចង់បានសន្តិភាព ហើយសម្រាប់ប្រទេសថៃ បញ្ឈប់ប្រតិបត្តិការ ហើយត្រឡប់ទៅរកបទឈប់បាញ់ ដែលបានព្រមព្រៀងគ្នាពីមុនមក។
ការប៉ះទង្គិចគ្នាយ៉ាងខ្លាំងនៅតាមព្រំដែនរវាងថៃ និងកម្ពុជា បានបន្តមកដល់ថ្ងៃទី៥ហើយ។ ប្រទេសទាំងពីរបាននិងកំពុងបាញ់ផ្លោងដោះដូរគ្រាប់រ៉ុក្កែត និងកាំភ្លើងធំ នៅទីតាំងជាច្រើននៅតាមបណ្តោយព្រំដែន ដែលមានជម្លោះចម្ងាយ ៨១៧ គីឡូម៉ែត្រ។
ការប៉ះទង្គិចគ្នានាពេលថ្មីៗនេះ គឺជាភាពតានតឹងបំផុតមួយ ចាប់តាំងពីការប្រយុទ្ធគ្នារយៈពេលប្រាំថ្ងៃនៅក្នុងខែកក្កដា ដែលបានសម្លាប់មនុស្សជាច្រើននាក់ មុនពេលកម្ពុជា និងថៃ បានយល់ព្រមលើបទឈប់បាញ់មួយ ដែលត្រូវបានសម្របសម្រួលដោយលោក Trump ៕
ប្រែសម្រួលៈ ណៃ តុលា
