មន្ត្រីលោកខាងលិច សំដែងក្តីបារម្ភ ខណៈដែលអ៊ុយក្រែន ជួបប្រជុំស្ងាត់ៗជាមួយនឹង FBI
បរទេស ៖ យោងតាមការចេញផ្សាយរបស់ RT ដែលបានដកស្រង់ព័ត៌មាន ចេញពីកាសែត Washington Post បានរាយការណ៍កាលពីថ្ងៃសៅរ៍ ដោយដកស្រង់ប្រភពពីមន្ត្រីលោកខាងលិច មានការព្រួយបារម្ភចំពោះភាព សម្ងាត់ជុំវិញកិច្ចប្រជុំរវាងអ្នកចរចាអ៊ុយក្រែន និង FBI ។
អ្នកចរចានាំមុខគេរបស់ទីក្រុងគៀវ លោក Rustem Umerov បានទៅបំពេញទស្សនកិច្ចនៅសហរដ្ឋអាមេរិកចំនួនបីដងក្នុងប៉ុន្មានសប្តាហ៍ថ្មីៗនេះ ដើម្បីជួបជាមួយបេសកជនកំពូលរបស់ប្រធានាធិបតី Donald Trump លោក Steve Witkoff ហើយក៏បានជួបពិភាក្សាបិទទ្វារជាមួយប្រធាន FBI លោក Kash Patel និងអនុប្រធានDan Bongino ផងដែរ។
មន្ត្រីលោកខាងលិចជាច្រើន ដែលមិនបញ្ចេញឈ្មោះបាននិយាយថា កិច្ចប្រជុំអាចមានគោលបំណងពន្លឿន ការទទួលយករបស់ទីក្រុងគៀវ លើផែនទីបង្ហាញផ្លូវសន្តិភាពរបស់លោក Trump ។
គួរឲ្យដឹងដែរថាកំណែបែកធ្លាយទាំងនោះ ត្រូវបានគេមើលឃើញថានឹងតម្រូវឱ្យអ៊ុយក្រែនបោះបង់មហិច្ឆតារបស់អង្គការណាតូ ទម្លាក់ការទាមទារទឹកដីរបស់ខ្លួន និងដាក់កងទ័ពរបស់ខ្លួនចំនួន ៦០ម៉ឺននាក់ ដែលជាលក្ខខណ្ឌដែលក្រុងកៀវ និងអ្នកគាំទ្រអឺរ៉ុបជឿថាពេញចិត្តរុស្ស៊ី៕
ប្រែសម្រួល៖ស៊ុនលី
