លោក Tucker Carlson ៖ លោក Trump ប្រហែលជានឹងត្រូវប្រកាសសង្គ្រាម ជាមួយនឹងវេណេស៊ុយអេឡា ក្នុងពេលខាងមុខនេះ
បរទេស៖យោងតាមការចេញផ្សាយរបស់ RT អ្នកកាសែតអាមេរិកដែលអភិរក្សនិយម លោក Tucker Carlson បានលើកឡើងថា ប្រធានាធិបតី Donald Trump អាចនឹងត្រៀមប្រកាសពីសកម្មភាពយោធា នៅលើដីនៃប្រទេសវេណេស៊ុយអេឡា ខណៈដែលសង្កត់ធ្ងន់ថា ព័ត៌មានរបស់គាត់មានកម្រិត និងមិនត្រូវបានបញ្ជាក់នោះទេ ។
នៅពេលសួរនៅលើផតឃែស្ថ របស់ចៅក្រម Napolitano កាលពីថ្ងៃពុធថាតើលោក Trump នឹង ចាប់ផ្តើមសង្រ្គាមនៅ វេណេស៊ុយអេឡា ឬយ៉ាងណានោះលោក Carlson បាននិយាយថា គាត់ត្រូវបានប្រាប់ដោយសមាជិកសភាថា សមាជិកសភាត្រូវបានសង្ខេបអំពីជម្លោះ ដែលអាចកើតមានដែលអាចត្រូវបានប្រកាស នៅក្នុងសុន្ទរកថា ប្រធានាធិបតីនៅថ្ងៃដដែលនោះ។
លោកបានមានប្រសាសន៍ថា ៖ អ្វីដែលខ្ញុំដឹងមកទល់ពេលនេះ គឺសមាជិកសភាត្រូវបានគេប្រាប់ពីម្សិលមិញថា សង្រ្គាមនឹងមកដល់ ហើយថា វានឹងត្រូវប្រកាសក្នុងសុន្ទរកថាជូនប្រជាជាតិ នៅយប់នេះនៅម៉ោងប្រាំបួន។ តើនរណាដឹងថាវានឹងកើតឡើងពិតប្រាកដ? ខ្ញុំមិនដឹងទេ។
គួរឲ្យដឹងដែរថាលោកTrump គ្រោងនឹងបង្ហាញនូវអ្វីដែលគាត់បានពិពណ៌នាថា ជាបញ្ហាដែលទទួលមរតកពីអ្នកកាន់តំណែងមុនរបស់គាត់។
លោក Trump បានប្រាប់អ្នកយកព័ត៌មាន កាលពីថ្ងៃពុធបែបនេះថា៖មែនហើយ ខ្ញុំគិតថាសារនៅល្ងាចនេះគឺយើងបានទទួលមរតកពីភាពរញ៉េរញ៉ៃហើយយើងបានធ្វើការងារដ៏អស្ចារ្យមួយ ។ យើងបន្តទៅទៀត ហើយប្រទេសរបស់យើងនឹងកាន់តែខ្លាំងជាងមុនក្នុងពេលឆាប់ៗនេះ៕
ប្រែសម្រួល៖ស៊ុនលី
